Бақыт Сұлтанов азаматтарды жеке қабылдады

2021 жылғы 27 сәуірде Қазақстан Республикасының Сауда және интеграция министрі Бақыт Сұлтанов азаматтарды жеке қабылдады.

Кездесуге Тұтынушылардың құқықтарын қорғау комитетінің Төрағасы Асқар Тынысбеков, Нұр-Сұлтан қаласы бойынша Тұтынушылардың құқықтарын қорғау департаментінің басшысы Асқар Әбішев, ҚР АШМ Ветеринарлық-бақылау және қадағалау комитетінің өкілдері, сондай-ақ, елорда әкімдігінің өкілдері қатысты.

Министр 2 азаматты – жеке кәсіпкер Сайдашев Бауыржан Сағынғалиұлы мен Ананева Марина Жунусованы қабылдады.

Бауыржан Сайдашев Шарын сауда базарының аумағында кәсіпкерлік қызметпен айналысудың мүмкін еместігі туралы мәселені көтерді.

Осыған байланысты ол нарықта тауық жұмыртқасының бөлшек сауда дүкенін ашуға көмек көрсетуді сұрайды.

Нұр-Сұлтан қаласы әкімдігінің өкілі Руслан Ыдырысов бұл жағдайға түсіндіргендей, базар әкімшілігі тарапынан сауда орнынан бас тарту кәсіпкердің короновирустық инфекцияның таралуына жол бермеу жөніндегі талаптарды бірнеше рет бұзуынан (маска режимін бұзу, жұмыс орнында антисептикалық құралдардың болмауы және т.б.) туындады.

Сонымен қатар, министр тұтынушылардың құқықтарын қорғау, бәсекелестікті және кәсіпкерлікті қорғау мәселелеріне жетекшілік ететін қала департаменттеріне «бір үстел басында» кездесуді, келіссөздер жүргізуді және кәсіпкерге оң шешім қабылдауға және көмектесуге тырысуды ұсынды:

- Тұтынушылардың құқықтарын қорғау департаменті әкімдікпен және жанжалға қатысушылармен бірлескен кездесу ұйымдастырсын. Егер мәселе шешілмесе, өтініш беруші дауды сотта шешуі керек.

Министр азаматша Ананева Марина Жунусовнаны қабылдады. Марина Жунусова «Wildberries KZ интернет-дүкенінде рәсімделген тапсырыстар туралы айтып берді. М.Ж. Ананеваның айтуынша, ол белгілі бір сомаға бірнеше тапсырыс ресімдеген, содан кейін комиссиядан басқа оның картасынан қосымша ақша қаражаты шешілген.

Марина Жунусовна электрондық сауданы жетілдіру мәселесін де қозғады.

Бақыт Сұлтанов айтып кеткендей, аталған мәселені шешу бойынша жұмыс М.Ж. Ананеваның өтінішінен кейін бірден басталды. Сонымен қатар, Министр бүгінде интернет-сауда саласында, оның ішінде Wildberries дүкенінің платформасында және басқа да бірқатар онлайн-дүкендерде алаяқтық бойынша шағымдардың белгілі бір статистикасы бар екенін растады.

Сонымен қатар, Бақыт Сұлтанов тұтынушылардың құқықтарын қорғау туралы жаңа редакцияда қабылданған заңнама туралы айтып берді: «Қазір біз түзетулердің екінші топтамасымен жұмыс істеп жатырмыз, сондай-ақ проблематиканы жинақтаудамыз және сіздің кейсіңіз де тұтынушылардың құқықтарын бұзу мүмкіндігін заңнамалық түрде түзету және болдырмау үшін пайдаланылатын болады».

«Сіздің нақты проблемаңыз бойынша, алаяқтық тұрғысынан Қаржы нарығын реттеу және дамыту агенттігімен бірлесіп жұмыс жүргізу қажет. Сондай-ақ, Сіздің өтінішіңіз болуы қажет. Біздің тарапымыздан Алматыдағы Wildberries офисінің өзімен келіссөздер жүргізілетін болады, себебі мұндай жүйелі бұзушылықтар осындай желілердің жұмысына қауіп төндіреді», - деді Бақыт Сұлтанов.

Кездесу соңында министр Тұтынушылардың құқықтарын қорғау комитетіне және Министрліктің Ішкі сауда департаментіне: «Бүгінгі күнге аталған құрылымдар тұтынушылардың құқықтарын қорғау және ішкі сауданы реттеу жөніндегі заңнамаға түзетулердің екінші топтамасы бойынша жұмыс жүргізуде. Сондықтан, сіздің ұсынғаныңыздай, Комитет Ішкі сауда департаментімен бірлесіп бірлескен жұмыс жүргізеді және сіздің халықаралық сауда бөлігіндегі ұсыныстарыңызды қабылдайды. Сонымен бірге, бір ай ішінде біз сізді аталған жағдайыңызды талдау бойынша жұмыс барысы туралы хабардар етеміз».

• 28.04.2021
• 245