Қазақстан мен Қытай арасындағы өзара сауда 4%-ға өсіп, 15,4 млрд.$ құрады

2021 жылғы 27 сәуірде ҚР Сауда және интеграция министрі Бақыт Сұлтанов ҚХР Коммерция министрі Ван Вэньтаомен екі ел арасындағы сауда – экономикалық ынтымақтастықты дамыту бойынша онлайн-келіссөздер өткізді.

Келіссөздердің күн тәртібі әріптестікті одан әрі дамытуға бағытталған бірқатар маңызды мәселелерді қамтыды, оларды пысықтау сайып келгенде елдер мен шекара маңындағы өңірлер арасындағы өзара сауда көлемдеріне оң әсер етуі тиіс.

Мәселен, Қытай Қазақстан үшін дәстүрлі түрде негізгі сыртқы сауда әріптестерінің бірі болып табылады. Өткен жылы Қытаймен сауда айналымының үлесі Қазақстанның жалпы саудасының 18,1%-ын құрады.

2020 жылдың қорытындысы бойынша елдер арасындағы өзара сауда 4%-ға өсіп,                        15,4 млрд.$ құрады. Бұл ретте, Қытайға экспорт 9 млрд.$, Қытайдан импорт - 6,4 млрд.$ құрады құрады. Бұдан басқа, Қытай Қазақстанға инвестициялардың жалпы көлемінің 4,7%-ын ала отырып, Қазақстанның ірі инвесторларының бестігіне кіреді, - деп хабарлайды Сауда және интеграция министрлігінің баспасөз қызметі.

Мәселен, индустриялық-инвестициялық ынтымақтастық бағдарламасы аясында                    24,5 млрд.$-ға 56 заманауи кәсіпорын салу жоспарлануда, Қазақстан аумағындағы бірлескен Қазақстан-Қытай кәсіпорындарының саны 700 бірліктен асты.

«Екі жақты сауданы жақсартудағы тиімді және өзара тиімді ынтымақтастықтың маңызды құрамдас бөлігі ретінде біз Қазақстан Республикасының Үкіметі мен Қытай Халық Республикасының Үкіметі арасындағы 2020-2025 жылдарға арналған сауда-экономикалық ынтымақтастықты дамыту бағдарламасына қол қоюды қарастырамыз», - деді Бақыт Сұлтанов.

Бақыт Сұлтанов атап өткендей, ақпараттық технологияларды дамыту және интернет желісін коммерциялық мақсатта белсенді пайдалану процесінде сауда жүйесін трансформациялау және қайта құру жүріп жатыр. COV1D-19 Дүниежүзілік індеті электронды коммерцияның дамуына серпін берді.

«Біздің ведомстволар арасында электрондық сауда саласындағы өзара түсіністік пен ынтымақтастық туралы меморандумға қол қойылды және біз осы бағыттағы жұмысты жалғастыруға ниеттіміз», - деді Сауда және интеграция министрі Б.Сұлтанов.

Бүгінгі таңда Қазақстанның Сауда және интеграция министрлігі AliExpress Россия (Alibaba group) компаниясымен және Цайняо логистикалық операторымен (Cainiao Alibaba group бөлімшесі) қолданыстағы логистикалық сервистерді дамыту және жаңаларын жасау, атап айтқанда, ҚХР-дан Қазақстан Республикасына жер үсті көлігімен магистральдық тасымалдауды іске қосу бойынша жұмыстар жүргізуде.

Сонымен бірге екі жақты әріптестіктің маңызды аспектілерінің бірі өңіраралық және шекара маңы ынтымақтастығы болып табылады.

Бұл бағыттағы маңызды жетістіктердің бірі Қазақстан мен Қытайдың мүдделі өңірлері арасындағы екі жақты сауда-экономикалық ынтымақтастықты дамытудың қосымша тетігіне айналған ҚР мен ҚХР Өңіраралық ынтымақтастық форумы болып табылады.

ҚР СИМ баспасөз қызметі

• 28.04.2021
• 225