ҚР-ның ҚХР-ға экспорттық әлеуеті 808 млн.$ бағаланады

Ағымдағы жылғы 27 сәуірде ҚР Сауда және интеграция министрі Бақыт Сұлтанов ҚХР Коммерция министрі Ван Вэньтаомен елдер арасындағы сауда – экономикалық ынтымақтастықты дамыту бойынша онлайн-келіссөздер өткізді.

Тараптар одан әрі ҚР мен ҚХР мемлекеттік органдарына жетекшілік етумен екі ел аумағында сауда үйлерін құру мүмкіндігін қарастырды, бұл екі ел арасындағы екі жақты сауданы дамыту үшін неғұрлым қолайлы жағдай жасайды.

Қазіргі уақытта Сауданы дамытудың 2025 жылға дейінгі ұлттық жобасы аясында 2022 жылдан бастап Қазақстанның бірқатар сауда үйлерін шетелде ашу жоспарланған. Осыған байланысты, ҚХР-да сауда үйін ашу мәселесін басым тәртіппен қарауға дайынбыз», - деп хабарлады Қазақстан Республикасының Сауда және интеграция министрлігінің басшысы.

Сонымен қатар, біздің іскер топтарымыз арасындағы ынтымақтастықты кеңейту үшін Бақыт Сұлтанов Қытайдың «KazakhExport» ЭСК» АҚ Ұлттық компаниясының Пекиндегі шетелдік өкілдігін тіркеуге жәрдемдесуіне тілек білдірді.

Сонымен бірге, екі ел арасында тығыз қарым-қатынас орнату және екі елдің өнімін ілгерілету мақсатында Тараптар В2В кездесулерін онлайн форматта ұйымдастыруға және өткізуге қызығушылық білдірді.

Бүгінгі күнге Қазақстанның ҚХР-ға экспортты арттыруда әлеуеті бар. ҚХР-дағы ҚР-ның жалпы теориялық әлеуеті металлургия, тамақ өнеркәсібі, мұнай химиясы және химия, машина жасау және құрылыс тауарлары сияқты салаларда 60 тауар позициясы бойынша 808 млн.$-ға жуық сомаға бағаланады.

Сонымен қатар, Қазақстанның ағымдағы жылы экспортқа бағдарланған компанияларды тарта отырып, 4-ші Қытай халықаралық импорт көрмесіне қатысу ниеті атап өтілді.

ҚР СИМ баспасөз қызметі

• 28.04.2021
• 185