Қазіргі кезде оңалту орталықтарының желісін кеңейту бойынша тынымсыз жұмыс ыстеп жатырмыз.

Қалалық балалар ауруханасы базасында жұмыс істейтін "Қасиетті жол" оңалту орталығының жұмысымен таныстым. Жыл сайын ДЦП диагнозы қойылған 700 бала тегін ем алады. Қала әкімінің тапсырмасына сәйкес орталыққа қажетті жабдықтар сатып алуға қолдау көрсетіледі. Кездесу барысында ерекше қажеттілігі бар балаларды тәрбиелеп отырған ата-аналар сурактар қойып өз ұсыныстарымен болысты.

Орталықтардың балалардың денсаулық жағдайын бір деңгейде қолдап қана қоймай, жақсартуы өте маңызды. Ата-аналар мен медициналық қызметкерлер күнделікті еңбектерінің нәтижесін көргенде өте қуанады. Мемлекет ерекше қажеттілігі бар жандарға қолдау көрсетуге ерекше көңіл бөледі. Жұмыс істеп тұрған ауруханалардың базасында осындай оңалту орталықтарының желісін кеңейту қажет. Тұңғыш Президент Қорымен бірлесе тағы бір қалалық аурухана базасында оңалту орталығы ашылады. Инватакси машиналарының санын көбейтеміз. Бүгінде 10 арнайы машина сатып алынды. Ерекше қажеттілігі бар адамдарға жағдай жасау үшін одан әрі жұмыс істейміз. Сіздерді Алғыс күнімен құттықтаймын. Сіздерге және отбасыларыңызға зор денсаулық, амандық тілеймін.

Қалада иппотерапиямен айналысу үшін ат спорты кешенінің құрылысы жүргізіліп жатыр. Жаңа салынған тұрғын үй кешендерінің бірінші қабаттарында оңалту орталықтары, емханалар, балаларға арналған шағын орталықтар сияқты әлеуметтік нысандар ашылады. Мүмкіндігі шектеулі адамдарды оңалтумен айналысатын үкіметтік емес ұйымдармен бірлесе жұмыс ыстеп жатырмыз. Сонымен қатар, елордада екі оңалту орталығы салынады.

• 03.03.2020
• 665