Қазақстанда құрылыс материалдары бойынша зертхана аккредиттелді

А.ж. 28 сәуірінде саланың өзекті мәселелерін талқылау үшін ҚР СИМ «Qazsem» цемент және бетон өндірушілер қауымдастығының өкілдерімен онлайн-кездесуі өтті.

Техникалық реттеу және метрология комитеті «QazCem» - мен бірлесіп, «Сапа Интер Систем» ЖШС базасында ҚР-да құрылыс материалдары саласында сынақ зертханасын құрды, ол бүгінде жетекші зертханалардың бірі болып табылады.

2019 жылы ҚР СТ 3361 «Сәйкестікті бағалау. Цементтерді растау тәртібі» енгізілгеннен кейін цемент сынақтарына және сынақ орталықтарының жабдықталуына қойылатын талаптарды арттыру туралы шешім қабылданды.

Осыған байланысты, қауымдастықтың қолдауымен «Сапа Интер Систем» ЖШС жабдықтардың толық жинағымен жабдықталды және бүгінгі күні цементтің физика-механикалық және химиялық көрсеткіштеріне сынақтардың 100% - ын жабады. Қауымдастықпен ынтымақтасқан бірнеше жыл ішінде 8 жергілікті цемент зауытына сертификаттар берілді.

Цементті сынау зертханасы барлық қажетті сынақ жабдықтарымен және өлшеу құралдарымен (100%) толық жинақталған.

Қазақстан Республикасы сарапшыларының сертификаттау аудитіне шығып, "Dyckerhoff" (Германия) өндірісінің сериялы шығарылатын цементінің сәйкестігін растау жүргізілді.

Тәжірибе көрсеткендей, Ресей Федерациясында 60 цемент зауытына 4 сынақ орталығы бар. Бұл пропорция Қазақстанда да сақталуда, өйткені бір сынақ орталығына (біз тұлғасында) 15 отандық цемент зауыты бар. Яғни, бір сынақ орталығының толық жұмыс көлеміне осы саладағы 15 өндіруші зауыт жеткілікті болып отыр.

Белгіленген талаптар мен дамыған зертхананың болуы ішкі нарықты жалған цементтен жабуға және сапалы отандық цемент шығаруды жолға қоюға көмектеседі.

«Біз қабылдаған шаралар цемент өніміне қойылатын талаптарды күшейтуге, отандық өнімнің бәсекеге қабілеттілігін арттыруға және осы саланы үздіксіз дамыту мүмкіндігіне бағытталған», - деді кездесуде Техникалық реттеу және метрология комитетінің төрағасы А.Әбенов.

Жалпы, QazCem-нің контрафактіге қарсы күрестегі рөлін атап өткен жөн.

QazCem өкілдері Ираннан келген цементтің қолданыстағы стандарттардың талаптарына сәйкестігіне және сертификаттардың болуына кедендік шекарада тексеру жүргізуге қатысты.

«QazCem» қазақстандық цемент және бетон өндірушілердің қауымдастығының» атқарушы директоры Акымбаев Ерболдың айтуынша – «қауымдастықтың және референттік СЗ-дің келесі мақсаты-қазақстандық өндірушілердің РФ-да танылатын сәйкестік сертификаттарын алу үшін ҚР-да цемент сынақтарын өткізу мүмкіндігі болуы үшін СЗ-ды РФ-да аккредиттеу алу» болып табылады.

Одан әрі кооперация шеңберінде бетонға толыққанды сынақ жүргізу үшін зертхананы қосымша жарақтандыру жоспарлануда (инвестициялар шамамен 40-50 млн.теңгені құрайды).

Анықтама. «Сапа ИнтерСистем» ЖШС СЗ (сынақ зертханасы) 2002 жылы негізі қаланған, аккредиттелген зертхана, өнім мен менеджмент жүйесінің сәйкестігін растау жөніндегі орган болып табылады.

15 жыл бойы цементтің сәйкестігін растаумен айналысады, ал соңғы 3 жыл ішінде «QazCem» қазақстандық цемент және бетон өндірушілердің қауымдастығымен» тығыз ынтымақтастықта.

Бұдан әрі «Сапа ИнтерСистем» ЖШС СЗ мысалын негізге ала отырып, Қазақстанның сынақ орталықтары мен ірі өнеркәсіптік өндірушілерінің тығыз өзара іс-қимылы таяу уақытта салалық өнеркәсіптік кәсіпорындармен ынтымақтастықта басқа сынақ орталықтары үшін серпін береді деп айтуға болады.

Сынақ орталықтары мен өндірушілер, сайып келгенде, бейтараптыққа, сапа мен ашықтыққа қол жеткізудің бір мақсатын көздейді.

Кездесуде Министр «Сапа ИнтерСистем» ЖШС-ін Е-аккредиттеу жүйесі арқылы қалыптастырылған электрондық аккредиттеу аттестатын алуымен құттықтап, табыс тіледі.

Өткен жылы енгізілген «Е-аккредиттеу» жүйесі ҰАО мен бизнес арасындағы өзара іс-қимылды автоматтандыруға мүмкіндік берді.

Электрондық аккредиттеу аттестатын алу техникалық реттеу жүйесін цифрландырудың артықшылықтарының бірін айқын көрсетті.

• 29.04.2021
• 189