Қазақстандық цемент нарығы 95% сұр сертификаттан босатылды

Бұл туралы Техникалық реттеу және метрология комитетінің төрағасы Арман Әбенов хабарлады.

Бірінші қорытындыны шығару үшін бүгін, а.ж. 28 сәуірінде саланың өзекті мәселелерін талқылау үшін «Qazsem» цемент және бетон өндірушілер қауымдастығының өкілдерімен онлайн-кездесу өткізілді.

Кездесуді ашқан сауда және интеграция министрі Б.Т. Сұлтановтың айтуынша, Қазақстанның сауда ведомствосы өз арсеналында адал өндірушілерді қолдау үшін әлеуетін толық қуатында пайдалануға ниетті қолдау және қорғау құралдарына ие.

Кездесу барысында Техникалық реттеу және метрология комитетінің төрағасы Арман Әбенов жалған цементті анықтау бойынша жүргізілген жұмыстар туралы айтып берді:

- Контрафактілік өнімдермен күрес және олардан ішкі нарықты қорғау бойынша жұмыстарды ТРМК ұзақ уақыттан бері жүргізіп келеді және цемент саласын ауқымды талдау нәтижелері бойынша жалған цементтің болуы мен ең бастысы – цементті сертификаттау үшін сынақ базасының жеткіліксіз жабдықталуы сияқты проблемалар анықталды.

Анықталған проблемаларды жою мақсатында «Ғимараттар мен құрылыстардың, құрылыс материалдары мен бұйымдарының қауіпсіздігі туралы» ҚР техникалық регламентіне ҚР СТ 3361-2019 «Сәйкестікті бағалау. Цементтердің сәйкестігін растау тәртібі» ұлттық стандартының негізінде сәйкестікті міндетті растау бойынша норма енгізілді.

- Бұл шара нарықтың барлық субъектілерін біздің ұлттық стандарт талаптарына сәйкес өнімнің сертификаттаудан өтуге міндеттейді, - деді Арман Әбенов. - Бұл жерде, 2020 жылы ҚР СТ 3361-2019 қолданысқа енгізілгеннен кейін ішкі нарық сұр сертификаттардың 95% - ынан босатылып, Ираннан өнім импорты 65% - ға-14 миллионнан 4,9 миллион АҚШ долларына дейін төмендегенін айта кету керек.

Кездесуде «QazCem» қазақстандық цемент және бетон өндірушілер қауымдастығының атқарушы директоры Ербол Акымбаев атап өткендей, бұл стандарт цементтердің сәйкестігін растау бойынша жүйелі шешімге айналды және отандық пен импорттық өндірушілер арасындағы сертификаттау шарттарын теңестіріп, қазақстандық өндірушілерді кемсітуді жойды.

- Тағы бір маңызды себеп СРО өзі (сәйкестікті растау жөніндегі орган) СЗ (сынақ зертханасы) базасында міндетті ең аз сынақ көлемі туралы талаптардың болмауы болды. Бұл олқылық жосықсыз СРО қолайлы болатын. Өйткені сынақ жабдығы жоқ мұндай СРО қосалқы мердігерлік бойынша сынақтар жүргізген, сол арқылы ҰАО мен ТРМК сарапшыларын шатастырып отырған көптеген бөгде СЗ-ға сілтеме жасай алады. Және мұндай СРО де-факто жұмысы нақты сынақ өткізбей сертификат берумен ғана шектелетін, - деп қорытындылады Ербол Акымбаев.

Сонымен қатар, 1 шілдеден бастап «Техникалық реттеу туралы» ҚР Заңы жаңа редакцияда күшіне енеді. Енді өнім қауіпсіздігіне қойылатын талаптар күшейтіліп, мемлекеттік бақылаудың рөлі күшейтіледі.

ТРМК өтініштер мен ақпараттық жүйелерден алынған ақпарат негізінде техрегламенттер талаптарының сақталуына мемлекеттік бақылауды орындайтын болады. Енді өнім үлгілерін зертханаларда сынау мақсатында іріктеу мүмкін болады.

Бұдан басқа, бұзушылықтар анықталған кезде өнімді қайтарып алу және нарықтан айыппұл санкцияларымен алып қою жүргізілетін болады.

• 29.04.2021
• 235