Импорттық цемент ұлттық стандартқа сәйкес келуі керек

Ағымдағы жылдың 28 сәуірінде Сауда министрлігінің «QazСem» цемент және бетон өндірушілер қауымдастығының өкілдерімен саланың өзекті мәселелерін талқылау бойынша салалық онлайн-кездесуі өтті.

Құрылыс материалдары нарығында жалған цемент өнімдерінің заңсыз айналымына қарсы іс-қимыл жөніндегі уәкілетті орган қабылдаған шаралар басты назарда болды.

«Бүгінде қазақстандық цемент ішкі нарықта да, сыртқы нарықта да сапалы және бәсекеге қабілетті болып табылады. Бізде 2-ші буын зауыттары бар. Бірақ, өкінішке орай, нарықта фальсификат, арзан цемент «көпшілік қолданатындары» бар", - деп атап өтті ҚР Сауда және интеграция министрі Б.Сұлтанов.

Іс жүзінде ҚР СИМ ТРМК-нің 4 жыл ішінде салалық мамандармен бірлесіп стандарттау, техникалық реттеу құралдары мен тетіктерінің тұтас кешені пысықталды.

Осылайша, әзірленген мастер-жоспар шеңберінде бар проблемаларды жою схемаларын талқылау және әзірлеу үшін «QazСem» салалық қауымдастығымен кездесулер өткізілді.

Нәтижесінде «Ғимараттар мен құрылыстардың, құрылыс материалдары мен бұйымдарының қауіпсіздігі туралы» ҚР техникалық регламенті өзгерді. Оған ҚР СТ 3361-2019 «Сәйкестікті бағалау. Цементтердің сәйкестігін растау тәртібі» ұлттық стандарты негізінде сәйкестікті міндетті растау жөніндегі норма енгізілген

- Бұл шешім алдағы уақытта цемент саласы нарығының барлық қатысушыларын, соның ішінде шетелдік өндірушілерді (импорттаушыларды) осы ұлттық стандартқа сәйкес міндетті түрде сәйкестікті растаудан өткізуді міндеттейді, - деп атап өтті ТРМК басшысы Арман Әбенов.

Сондай-ақ, А. Әбенов 2021 жылғы 1 шілдеден бастап «Техникалық реттеу туралы» Қазақстан Республикасының Заңы күшіне енетінін хабарлады:

- Енді Техникалық реттеу және метрология комитеті субъектіге (объектіге) бармай және бару арқылы профилактикалық бақылау түрінде техникалық регламент талаптарының сақталуына мемлекеттік қадағалауды, жоспардан тыс тексеруді жүзеге асыратын болады, оның қорытындысы бойынша бұзушылық болған кезде оларды зертханаларда сынау мақсатында өнім үлгілерін іріктеу жүргізілетін болады.

Бірақ, Арман Әбенов атап өткендей, өнімді тексеру мүмкіндігінсіз, яғни тиісті зертханалардың болмауынан мемлекеттік қадағалау контрафактілік өнімді анықтауда және ішкі нарықты Ираннан, Қытайдан жеткізілетін сапасыз цементтен одан әрі қорғауда соншалықты тиімді болмайды.

Осыған байланысты, ТРМК-нің басым міндеті зертханалық базаны дамыту болып табылады. Мәселен, 2021 жылғы 27 сәуірде «Сапа Интер Систем» сынақ зертханасы цемент сапасын тексеру бойынша электрондық аккредиттеу аттестатын алды, ол ҚР СТ 3361-2019 бойынша сынақ базасын 100% қамтамасыз етеді.

• 29.04.2021
• 220