Қазақстандық цементтің сыртқы нарықтарға экспорттық әлеуеті 42,4 млн. $ құрайды

Орталық мемлекеттік органдардың бірінші басшыларының азаматтық сектор өкілдерімен тұрақты кездесулері шеңберінде 2021 жылғы 28 сәуірде ҚР Cауда және интеграция министрі Б.Т. Сұлтановтың «QazСem» Цемент және бетон өндірушілер қауымдастығының өкілдерімен салалық кездесуі өтті.

Кездесу барысында ҚР цемент саласын дамытудың проблемалық мәселелері мен перспективалары, сондай-ақ техникалық реттеу құралдары арқылы цемент өніміне қойылатын талаптарды күшейту арқылы цемент саласын қорғау мәселелері талқыланды.

Сонымен қатар, KazakhExport және QazTrade дамыту құралдары арқылы сала үшін бірқатар мүмкіндіктер ұсынылды.

Отандық өнімнің сапасын арттыру бойынша техникалық реттеу құралдарынан басқа, Сауда және интеграция министрлігі экспорттаушыларға             20-ға жуық қаржылық және қаржылық емес қолдау шараларын ұсынады.

QazTrade бас директоры Азамат Асқарұлы экспортты ілгерілету және сауданы дамыту бойынша отандық бизнесті қолдау шеңберіндегі шаралар көлемі туралы айтып берді:

- QazTrade сервистік шаралардың кең спектрін ұсынады: консультациялық-талдамалық қолдау, кәсіпорындардың экспорттық әлеуетін диагностикалау, экспорттық акселерациялау, кәсіпорындарды халықаралық электрондық платформаларға шығару және ең талап етілетін шара – шығындарды өтеу.

Оның айтуынша, цемент компаниялары шығындарды өтеу шарасын белсенді қолданады:

- 2020 жылы 6 цемент компаниясы жалпы сомасы 377 млн.теңгеге авто және т/ж көлігімен тауарларды жеткізу шығындарын өтеуге жүгінді. Қазақстандық цементтің негізгі бағыттары ретінде Ресейді, Өзбекстанды және Моңғолияны таңдалады. Қазіргі уақытта цемент өндіруші компаниялардан ондаған өтінімдер өңделуде.

Жалпы, портландцемент өндірісінің өсуі сауда балансына оң әсер етті, ал өткен жылы бұл 2019 жылмен салыстырғанда 5,3%-ға өсті,.

- 2020 жылы өнім экспорты 18,7%-ға (84,6-дан 100,4 млн.долларға дейін) өсті, ал импорт 3,9%-ға (44,4-тен 42,7 млн. долларға дейін) қысқарды, - деп хабарлады А. Асқарұлы. - Өткізудің негізгі нарықтары Өзбекстан (67,4 млн.$), Қырғызстан (18,5 млн.$), Ресей (14,5 млн.$) және Түрікменстан (38,6 мың$) болып табылады.

Сонымен бірге, QazTrade спикері атап өткендей, өндірілген өнімнің басым бөлігі ішкі нарықта іске асырылады және бұл шамамен 9,6 мың тонна.

Жалпы алғанда, қазақстандық цементтің сыртқы нарықтарға экспорттық әлеуеті 42,4 млн. $ құрайды.

Импортқа сұраныстың ағымдағы көлемі барысында қазақстандық кәсіпорындар Өзбекстанға портландцемент бойынша - 6,5 млн.$, отқа төзімді цемент бойынша - 0,8 млн. $-ға экспортты ұлғайту үшін әлеуетке ие.

• 29.04.2021
• 205