Алдын алу шаралары

Елордада коронавирустық инфекцияның таралуына жол бермеу мақсатында қажетті шараларды қабылдап жатырмыз.                                                                                                                         

     1. Жедел штаб жұмыс істейді, коронавирустық инфекция жағдайы анықталған кезде әрекет алгоритмі әзірленді: коронавирус инфекциясын жұқтырды деп күдікке ілінген науқастар мен қала тұрғындары үшін стационар ашылады.

2. 109 шұғыл қызметіне "коронавирус мәселелері бойынша кеңес беру" қосымша модулі енгізілді. Қажетті дәрі-дәрмектер қоры бар, медициналық бетперделердің алғашқы партиясы әкелінді. Бетперделер алдағы уақытта да қосымша алынады.

3. Санитарлық-дезинфекциялық режим күшейтілді. Вокзалдарда, әуежайда, сауда ойын-сауық орталықтарында, қонақ үйлерде және т. б. адам көп жиналатын жерлерде дезинфекциялау құралдарын орнатамыз.

Соңғы аялдама пункттерінде автобустар дезинфекциядан өтеді.

Оқу орындары мен адам көп жиналатын жерлер бойынша шаралар қабылданды: мектеп оқушылары 16 наурыздан бастап демалысқа шықты. Жоғары оқу орындары мен колледж студенттері қашықтықтан білім алып жатыр. Кинотеатрлар жұмысын тоқтатты. Наурыз мерекесіне арналған барлық бұқаралық іс- шаралар тоқтатылды.

4. Қала тұрғындары Денсаулық сақтау министрлігі ұсынған барлық алдын алу шараларын ұстануы қажет: қолды сабынмен мұқият жуып, антимептиктерді қолдану қажет. Қол беріп амандасудан бас тарту қажет. Гаджеттерді/оргтехниканы дезинфекциялау керек. ЖРВИ белгілері бар адамдармен қарым-қатынасты болмау маңызды.

5.  Әлеуметтік маңызы бар азық - түлік тауарларының бағасын тұрақтандыру үшін елордада екі бағыт бойынша жұмыстар жүргізіліп жатыр. Тұрақтандыру қоры құрылды, сауда желілерін жеңілдікпен несиелендіру бойынша жұмыстар жүргізілді. "Айналым схемасы" жобасына "Magnum", "Астықжан", "Кенмарт", "Small", "Шапағат", "Евразия", "Артем", "Биг Шанхай" сияқты сауда орындары қатысады, сондай-ақ ет пен жарма бойынша жеткізушілер анықталды. Дүрлігуге себеп жоқ ,азық - түлік жеткілікті мөлшерде бар.

Барлық қажетті шараларды қабылдаймыз.Тұрғындар да өзіндік тәртіпті мұқият сақтап, үйден ретсіз шықпауы керек.

• 18.03.2020
• 432