Тұрғындарды қабылдау, арыз-шағымдарын тыңдау қала әкімі ретінде менің басты міндетім.

Мәселелерді талқылап, заң аясында шешімін табу жолында жұмыс істейміз.
Бүгінгі қабылдауыма жазылған қала тұрғындарын мұқият тыңдап, мселелерін талқыға салдық. Шешімі үшін керекті тапсырмалар бердім. Орындалу барысы жіті қадағалауымда болатынын хабарлаймын.

Мысалы Ауезова Оразкүл, үйін су алған. Көмек сұрады. Бұл мәселе бойынша хабардармын, жұмыстар атқарылуда. Мәселе күрделі. Болашақта тағы да су алу ықтималы бар жер. Басқа жерге көшіру ең тиімді жол ретінде қаралуда.

Ал Зейнеп Рысбекова Шаңырақ елді мекеніндегі Көктөбе көшесін асфальттау мәселесін көтерді. Мәселе бойынша жол төсеу жұмыстары рет ретімен және жоспар бойынша 2022 жылы жүргізіледі.
Бұл бағытта тиісті басқармаға кемі үш жылдық жоспар түзіліп ұсынылуын тапсырдым.

Үй кезегі бойынша мәселелер де қаралды. Осы ретте айта кетейін, тұрғын үй кезегі тек заң аясында автоматты түрде жылжып отырады. Уақытша баспанамен қамтамасыз ету деген бағдарлама қаралмағанын айта кетейін.

Шағымдарды саралай келе әр апта, әлеуметтік желіде пост жариялап, жұма сайын тікелей эфирге шығып тұрамын. Жариялаған посттардың астындағы жазбаларыңыз үнемі бақылауымда. Байқағаным, қабылдауыма жазылғысы келетін қала тұрғындары көп. Өкінішке қарай, карантиндік талаптарға сәйкес, әкімшілікке келіп қабылдауыма жазылу мүмкіншілігі әзірге болмай тұр. Сол себепті 8(7252) 24- 72-15 номеріне хабарласып, жеке қабылдауыма жазыла аласыздар. Қабылдау онлайн түрде өткізіледі.

Кестеге сәйкес әр айдың бірінші сәрсенбісінде сіздердің сұрақтарыңыз бен арыз-шағымарыңызды тыңдауға әзірмін.

• 11.05.2021
• 259