Эпидемиялық ахуал жөніндегі штабтың кезекті отырысы

эпидемиялық ахуал жөніндегі кезекті штаб отырысында денсаулық сақтау басқармасының басшысы Бақытжан Позиловты тыңдадым.

Айта кетер болсам, бүгінгі штабқа қонақ ретінде қатысқан ҚР Парламент Сенатының депутаттары Нұрлан Бекзаназаров пен Айгүл Қапбароваға ерекше рақметімді айтамын.

Қаламыз эпидемиологиялық жағдай бойынша қазір «сары аймақта». Жыл басынан бері КВИ-дің 4 365, соңғы тәулікте 70 адам тіркелді. Жыл басынан бері 3000 науқас емделіп шыққан.

Жалпы қалада 38 бекетте 1-ші компонент – 136 060 адамға, 2 компонент – 32 383 адамға вакцина салынған. Медицина қызметкерлері 14 130, құқық қорғау қызметкерлері – 9 188, созылмалы ауруы бар азаматтар – 6831, студенттер – 4359 және басқалар – 79 338.

– Байқағаным-созылмалы ауруы бар азаматтардың вакциналану көрсеткіші төмен. Ал олар, нағыз қорғануы керек азаматтар қатарында. Созылмалы ауруы барлардың вакциналануын күшейтіп қана оларды қауіпті санаттан шығарып аламыз.

Індетте өлім-жітімді азайту үшін өздігімен емделудің қауіптілігін де айту керек. Инфекциялық стационарларда 1 406 орын бар, 723 науқас емделуде.

Вакциналаудың 1-ші және 2 ші компоненттері арасындағы уақыты бойынша нақты әрі түсінікті ақпараттандыру қажет. Осы бойынша ел арасындағы алып қашпа әңгімеледі тек нақты ақпарат тоқтатады. Ол бойынша @bakhytzhan_pozilov мырзаға тапсырма бердім.

Оған қоса, карантиндік талаптарды сақтамаған, соның нәтижесінде жауапқа тартылған және рұқсатнамалары алынып жабылған мекемелер бойынша ақпараттарды ашық жариялау керек деп ойлаймын.

Штабта жаңашыл бағыт жолын ұсынған ешкім болмады. Ал жұмысқа қарқын беретін ұсыныстардың болғаны маңызды. Ізденіс болмаса даму болмайды. Вируспен күресте біз жылдам дамуымыз керек. Вирустан тез дамысақ қана оны жеңеміз.

Ауырмаңыздар!

• 11.05.2021
• 218