Биыл 18 мың абонемент кәріз жүйесіне қосылады

Қазір қаламызда тұрғындардың кәріз жүйесімен қамтылуы 52,3 пайыз. Бұл көрсеткішке қала орталығындағы 2 200-ге жуық көпқабатты тұрғын үй мен шағын аудандардағы 37 мыңнан астам жеке тұрғын үй кіреді.

Бүгінде қалада кәріз жүйелерімен қамтылуын арттыру мақсатында 19 нысанның құрылыс жұмысы жүргізілуде. Жобаны жүзеге асыру үшін жергілікті бюджеттен 6,4 млрд теңге қаржы бөлінген.

Биыл құрылысы басталған 19 нысанның 5-і аяқталып, 18 мың абономент кәріз жүйесіне қосылады. Осылайша, жыл соңына дейін қамтылу көрсеткіші 54%-ға өседі. Биылғы жылы Арғынбеков көшесіндегі коллектор құрылысы аяқталса, Тұран, Қайтпас-1, Гидролизный-Ворошиловка, Солтүстік-Батыс шағын аудандары кәріз жүйесіне қосылады.

Қаланың оңтүстік пен солтүстік бөлігін кәрізбен қамтудың 2022-2025 жылдарына арналған жоспарына сәйкес кәріз тазалау станциясы мен сорғы станциясының коллекторлары және елді мекендерде ішкі жүйелер құрылысын жүргізу жоспарлануда. Бұл жұмыстар нәтижесінде, 2025 жылы кәрізбен қамту көрсеткіші 75 пайызға жетеді.

Көрсетілген слайдта 2025 жылға дейін қай шағын аудандар кәріз жүйесіне қосылатынын көре аласыздар.

• 13.05.2021
• 279