Қазақстанда бірегей өлшем құралы пайда болды

Нұр-Сұлтанда электр-магниттік толқындардың параметрлерін өлшеуге арналған бірегей жаңғырықсыз камераның тұсаукесері болды. Камера дегеніміз - бұл жабық және толығымен шуылсыз орынжай, оның ішінде өлшеу дәл болуы үшін табиғи жағдайда қол жеткізілмейтін толық дыбыстық оқшаулау және шуыл оқшаулау кезінде дыбыс тербелістерінің біркелкі таралуына қол жеткізіледі.

Камераның қабырғалары мен төбесі қалыңдығы 2 мм жалпақ болаттан жасалған және шағылысу коэффициенті төмен радиосіңіргіш материалмен қапталған.

Жаңғырықсыз камерадағы сынақтар қазақстандық өнімнің ЕАЭО және басқа да елдердің нарықтарына шығуына жол ашу мақсатында оның ұлттық және халықаралық стандарттарға сәйкестігін растау үшін қажет.

ТМД елдерінің ешқайсысында мұндай жаңғырықсыз камераның аналогтары жоқ.

Бірегей объектінің ашылу салтанатына 2021 жылғы 13 мамырда ҚР Сауда және интеграция министрі Бақыт Сұлтанов қатысты.

Отандық өндірушілер алдында сөз сөйлеген Б.Сұлтанов қазақстандық өнеркәсіпшілер мен кәсіпкерлер сауда-экономикалық байланыстарды дамытуға арналған аса көрнекті құралға ие болғанын атап өтті. Электр-магниттік үйлесімділік бойынша сынақ зертханасы қалта компьютерлері мен ұялы телефондардан бастап ірі габаритті өнімдерге дейінгі әр түрлі техниканы ең жоғары дәлдікпен сынақтан өткізуге мүмкіндік береді. Әлемде барлығы осыған ұқсас 15 сынақ орталығы бар, енді Қазақстан өндірушілері өз өнімдерін ел ішінде сынай алады, бұл оларды айналысқа шығару шығындарын 30%-ға дейін төмендетуге мүмкіндік береді.

ЕО елдерінде (Түркия, Германия) ұқсас сынақтар бірнеше есе үлкен. Бұл ретте көрсеткіштердің қауіпсіздігін айқындау үшін бір ғана ИСО 61000 сериялы халықаралық стандарттар пайдаланылады. Осылайша отандық өндірушілер өз шығындарын 5 есеге дейін азайта алады деп айта аламыз.

Бұдан басқа электр-магниттік үйлесімділік бойынша сынақтар жүргізу ел тұрғындарына қолданылатын техникалық құралдардың қауіпсіздігіне кепілдік беруге және Қазақстан нарығында контрафактілік және қауіпті өнімнің айналысын болдырмауға мүмкіндік береді.

Осы күні жаңғырықсыз камерада қазақстандық автоөнеркәсіптің автомобиліне сынақ жүргізілді.

Жалпы алғанда, осы сынақ орталығы жалпы салмағы 16 тоннаға дейінгі және габариттік өлшемдері 30 х 21 х 10 м болатын барлық санаттағы көлік құралдарын қабылдауға қабілетті.

Жаңғырықсыз камера сынақ операцияларының тұтас спектрін жасауға: электрондық аспаптарды, атап айтқанда ұшақтар мен тікұшақтардың борттық жабдықтарын тестілеуге; ғылыми-зерттеу жұмыстарын жүргізуге; өнеркәсіптік өнімді өндіру кезінде тестілік сынақтарды жүзеге асыруға; ақпараттық қауіпсіздік саласындағы міндеттерді және басқаларды орындауға мүмкіндік береді.

• 14.05.2021
• 255