Қазақстаннан Арменияға экспорт 66% - ға өсіп, $7,3 млн. құрды

2021 жылғы 14 мамырда Армения Республикасының Экономика министрлігінде Қазақстан Республикасының Сауда және интеграция вице-министрі Қайрат Төребаев пен Армения Республикасының Экономика министрі Ваган Керобянның кездесуі өтті.

Тараптар екіжақты сауда-экономикалық ынтымақтастықтың ағымдағы жағдайын және осы саладағы перспективаны талқылады.

Шектеу шараларына қарамастан, 2020 жылы Қазақстан арасындағы тауар айналымы 30,8% - ға артып, $15,0 млн ($11,5 млн) құрады.

Қайрат Төребаев атап өткендей, екіжақты сауда жүйесінде іске қосылмаған елеулі әлеует бар.

«Армения нарығы қазақстандық өңделген өнімді экспорттауға қызығушылық тудырады. Қазақстандық компаниялар экспорт номенклатурасын $230,9 млн. сомасына кеңейтуге дайын, бұл әртүрлі салалардағы 50 шикізаттық емес тауарлар: мұнай - химия ($138,8 млн.), металлургия ($23,1 млн.), тамақ өнеркәсібі ($36,4 млн.)», - деді Қайрат Төребаев.

Сонымен қатар, «Kazakh Export» қазақстандық компаниясы армяндық серіктестерге ұзақ мерзімді саудалық қаржыландыру және саудалық жеткізілімдерді сақтандыруда көмек көрсете алады. Бұл компанияның қызметтерін біздің ТМД елдеріндегі серіктестеріміз кеңінен пайдаланады.

Сондай - ақ, 2005 жылдан бастап 2020 жылға дейінгі кезеңде Армениядан Қазақстанға тікелей инвестициялардың жалпы ағыны $8,3 млн., Қазақстаннан Арменияға - $56,3 млн. құрады.

Келіссөздер қорытындысы бойынша тараптар «коронавирустық дағдарыстың» теріс салдарын еңсеру үшін министрлердің тең төрағалығымен алдағы Үкіметаралық комиссияның отырысы (27-28 мамыр Нұр-Сұлтанда) екіжақты сауда-экономикалық қатынастарға серпін береді деген ортақ пікірге келді.

Сондай-ақ, Комиссияның алдағы отырысына дайындық және сауда-экономикалық ынтымақтастықты кеңейту бойынша ұсыныстар әзірлеу шеңберінде Қайрат Төребаев пен Армения Экономика министрінің орынбасары Вар Симонян Арменияның мемлекеттік органдары мен бизнес-топтары өкілдерінің қатысуымен кездесу өтті.

Естеріңізге сала кетейік, бүгінгі таңда Қазақстанда экономиканың түрлі секторларында (өңдеу өнеркәсібі, құрылыс, сауда, қызмет көрсету және т.б.) армян капиталы бар 200-ден астам компания жұмыс істейді. Қазақстан-армян бірлескен компаниялары - 43.

• 17.05.2021
• 261