Өрттен зардап шеккен Риддер қаласының тұрғындарымен кездестім

Қазақстан Республикасының Премьер-министрі Асқар Мамин Шығыс Қазақстан облысына жұмыс сапары аясында Риддер қаласына барып, 2021 жылғы 10 мамырда өрт салдарынан зардап шеккендермен кездесу өткізді. Жұмыс сапарына Төтенше жағдайлар министрі Юрий Ильин, Шығыс Қазақстан облысының әкімі Даниал Ахметов және Үкімет мүшелері қатысты.

«Мемлекет Басшысы Қасым-Жомарт Тоқаевтың тапсырмасы бойынша Риддер қаласында өрттен зардап шеккен барлық отбасылар қысқа мерзімде жаңа тұрғын үймен қамтамасыз етіледі. Шығыс Қазақстан облысының Үкіметі мен әкімдігі Мемлекет басшысының тапсырмасын іске асыру үшін барлық қажетті шараларды қабылдады»,-деді Асқар Мамин. Өрттен зардап шеккен отбасылар үшін 30 жаңа тұрғын үй төтенше жағдайлардың салдарын жоюға көзделген Үкімет резервінің қаражаты есебінен жаңа «Ботаника үшінші тұрғын ауданында» салынатын болады.

Шығыс Қазақстанға жұмыс сапары барысында Төтенше жағдайлар министрі Юрий Ильин Семей қаласының № 2 мамандандырылған өрт сөндіру бөлімінде болып, жергілікті құтқарушылардың өрт сөндіру үшін қолданатын техникасымен танысты. Сондай-ақ, ТЖМ басшысы 1927 жылы салынған ғимаратта орналасқан өрт-техникалық орталығының экспонаттарымен және көрмесімен танысты. Мұнда қызметтегі  тарихи сәттер, өртті атпен сөндіру және өрт сөндірушілердің каскаларын жасау стендтері, қаладағы алғашқы өрт сөндіру командасының қалыптасуының фотоматериалдары жинақталған.

Сапар соңында төтенше жағдайлар басшысы жедел басқару орталығында болып, өңірді төтенше жағдайлардан қорғау бойынша бірқатар тапсырмалар берді.

• 24.05.2021
• 225