Қазақстандық сатушыларға Amazon-ға қолжетімділік ашылды

ҚР Cауда және интеграция министрлігі қазақстандық сатушылар үшін қолжетімділікті ашу бойынша Amazon командасымен келіссөздерді аяқтады.

20 мамырдан бастап біздің кәсіпкерлер ең ірі халықаралық электрондық коммерция платформаларының бірі - Amazon-да тауарларды сатуға мүмкіндік алды. Қазіргі уақытта Amazon әлемінде 188 ел, оның ішінде АҚШ, Қытай, Ұлыбритания, Үндістан және Жапонияны қоса алғанда, тауар сатады.

Қазақстандық өндірушілерге аталған маркетплейске қолжетімділік ашу оларға халықаралық сауда алаңдарына қолжетімділік алуға және экспорттың географиясы мен көлемін айтарлықтай ұлғайтуға мүмкіндік береді.

Эрик Бруссард, Amazon International Seller Services вице-президенті: "Қазақстандық кәсіпорындар енді Amazon-да тауар сата алатынын қуана хабарлаймыз. Біз шағын және орта сатушыларды қоса алғанда, Қазақстанның серпінді дамып келе жатқан бизнес-қоғамдастығымен жұмыс істеуге және оларға бүкіл әлем бойынша Клиенттермен бірігуге көмектесуге дайынбыз".

ҚР Сауда және интеграция министрі Бақыт Сұлтанов: "Қазақстанды рұқсат етілген елдер тізіміне енгізу бойынша келіссөздер мен жұмыстар жарты жылдан астам уақыт өтті. Бұған дейін біздің кәсіпкерлер Amazon-да сауда жасау үшін заңды тұлғаларды тіркеуге және банк шотын "рұқсат етілген" елдерде ғана ашуға мәжбүр болған. Енді бұл талап етілмейді: қазақстандық сатушылар төлемді қазақстандық банктер арқылы тікелей ала алады. Бұл әлемдегі ең танымал электрондық сауда алаңдарының бірінде сауда жасау процесін жеңілдетіп қана қоймай, біздің бизнесіміз үшін жаңа мүмкіндіктер ашады".

Amazon - табыс көлемі мен нарықтық капиталдандыру бойынша әлемдегі ең ірі электрондық коммерция және көпшілікке арналған бұлтты есептеу платформаларының бірі.

Өзінің жаһандық қамтуы арқасында Amazon, сондай-ақ, әлемде ең бағалы брендтер қатарына кіреді.

Amazon-да бүкіл әлем бойынша жүздеген миллион белсенді клиенттер бар және 200-ден астам елдер мен аумақтарға сатып алушыларға тауарлар жібереді. 2020 жылы Amazon-тың таза сатылымы 386,1 миллиард долларды құрды.

Енді қазақстандық кәсіпорындар Amazon дүкенінде тауарлар сататын 1,9 миллионнан астам шағын және орта кәсіпорындарға қосылып, сатушылар ретінде тіркеле алады, бұл бөлшек сауданың шамамен 60% - ын құрайды.

• 25.05.2021
• 219