Арменияға қазақстандық экспорт 66% - ға өсіп, 7,3 млн. $ құрды

2021 жылғы 25 мамырда, Қазақстан-Армения бизнес-форумы өтті. Оның мақсаты - екі елдің сауда және инвестициялық ынтымақтастығын дамыту.

Іс-шара онлайн-форматта өтті, оған Қазақстан тарапынан Сауда және интеграция вице-министрі Қайрат Төребаев қатысты.

Сондай-ақ форумға қазақстандық ірі компаниялардың, мемлекеттік органдардың, ұлттық холдингтердің, екі елдің іскер топтарының өкілдері қатысты.

Бизнес-форум барысында армян тарапына Қазақстанның инвестициялық мүмкіндіктері, сондай-ақ шетелдік инвесторларды қолдауға арналған қаржы құралдары таныстырылды. «Kazakhinves» ҰК» АҚ және "Қазақэкспорт" ЭСК" АҚ өкілдері Қазақстанның инвестициялық мүмкіндіктері және сыртқы экономикалық қызметке қатысушыларды қолдаудың қаржылық құралдары туралы айтып берді.

Вице-министр Қайрат Төребаев атап өткендей, Арменияның Қазақстанмен мұнай-химия саласында, тамақ өнеркәсібінде, машина жасауда ынтымақтастықты дамытудың үлкен перспективалары бар. 

Өз кезегінде, қазақстандық өндірушілер теміржол және автомобиль жолдарын салу, жылу желілерін жаңғырту, қалалық көлік инфрақұрылымын және тамақ өнеркәсібін жаңарту сияқты салаларда ынтымақтастыққа мүдделі.

Қайрат Төребаев сөз сөйлеу барысында Қазақстан мен Арменияның сауда ынтымақтастығына талдау келтірді:

- Қазақстаннан Арменияға экспорттың негізгі тауарлары шошқа еті - 473,8 мың $ (30,7% үлесімен), сондай-ақ пахта, йогурт, айран - 292,8 мың $ (19%), электр аккумуляторлары - 152,7 мың $ (9,9%), пластмассадан жасалған бұйымдар - 118,3 мың $ (7,7%), жиһаз - 116,1 мың $ (7,5%), ірімшіктер мен сүзбе - 103,9 мың $ (6,7%).

Өз кезегінде, Қазақстанға Армениядан неғұрлым импортталатын тауарлар ретінде күшті спиртті сусындар - 910,3 мың $ (үлесі 51,6%), зергерлік бұйымдар - 294,4 мың $ (16,7%), газ, сұйықтық және электр энергиясын беру/өндіру есептеуіштері - 161,5 мың $ (9,1%) және т.б. болып табылады.

- Алдын ала талдау бойынша біздің кәсіпорындар тауар айналымының оң өсімін ескере отырып, шикізаттық емес тауар айналымының қосымша көлемін 200 млн. $ астам сомаға өсіре алады, - деді Төребаев.

Сондай-ақ, Вице-министр 2020 жыл ішінде елдеріміздің арасындағы тауар айналымы 15 млн. $ құрағанын, бұл өткен жылдың көрсеткішінен 30%-ға жоғары (11,5 млн.$) екенін атап өтті. 

Қазақстаннан Арменияға экспорт 2020 жылы 66% - ға өсіп, 7,3 млн. $ құрды.

• 26.05.2021
• 241