Нұр-Сұлтанда Әзірбайжан сауда үйінің ресми ашылуы өтті

Нұр-Сұлтан, 2021 жылғы 25 мамыр - Қазақстан Республикасының Сауда және интеграция Вице-министрі Қайрат Төребаев Әзірбайжан өндірісінің өнімдері: азық-түлік, косметика және т. б. Қазақстанда ұсынатын Әзірбайжан сауда үйінің ресми ашылуына қатысты.

Іс-шараға Қазақстандағы Әзірбайжан Республикасының Төтенше және Өкілетті Елшісі Рашад Маммадов, ҚР Энергетика вице-министрі Әсет Мағауов, Қазақстанның сыртқы сауда палатасының Басқарма Төрағасы Аян Еренов, ҚР Сыртқы істер министрлігінің өкілдері, дипломатиялық корпус қатысты.

Дүкендер желісін ашудың басты мақсаты Қазақстанда әрекет ететін ірі дистрибьюторлық компаниялармен тікелей ынтымақтастық жасай отырып, экспорттың өсуін қамтамасыз ету және тұтынушылардың неғұрлым кең массаларын "Made in Azerbaijan" брендімен өндірілетін өнімге тарту болып табылады.

Өз кезегінде сауда және интеграция вице-министрі Қайрат Төребаев бүгінде Қазақстанда экономиканың түрлі секторларында Әзірбайжан капиталы бар 660-тан астам компания жұмыс істейтінін атап өтті. Қазақстан-Әзірбайжан бірлескен компаниялары-120.

2006 жылдан бастап 2020 жылға дейінгі кезеңде Әзірбайжаннан Қазақстанға тікелей инвестициялардың жалпы ағыны $ 306,5 млн., Қазақстаннан Әзірбайжанға- $75,7 млн. құрады.

Коронавирустық шектеулерге байланысты Қазақстан мен Әзірбайжан арасындағы тауар айналымы 2020 жылы 36,7% - ға төмендеп, 109,7 млн. $ (173,3 млн.$) құрады.

- Екі Үкіметтің бірлескен жұмысы үшін бірінші кезектегі басымдықтардың қатарында біз саудадағы оң динамикаға қол жеткізуде көріп отырмыз, - деп атап өтті Қ.Төребаев. - Осыған байланысты, Әзірбайжан импортының құрылымын талдай отырып, біз Әзірбайжан нарығында импорттық өнімді алмастыра алатын қазақстандық өндірістің бірқатар әлеуетті тауарларын қалыптастырдық. Мысалы, $181,9 млн сомасына қазақстандық тауарларды (60 тауар позициясы) жеткізу әлеуеті бар.

Біздің сауда-экономикалық өзара қарым-қатынастарымыздың маңызды әлеуеті сауда-экономикалық ынтымақтастық жөніндегі Қазақстан-Әзірбайжан Үкіметаралық комиссиясының мүмкіндіктерін белсенді пайдалануда жатыр. Бұдан былай сауда және интеграция министрлігі осы үкіметаралық комиссияның жұмыс органы болып табылатынын атап өткім келеді.

Естеріңізге сала кетейік, сауда үйі өз қызметін 2019 жылдың 1 қазанынан бастады, бірақ пандемияға байланысты оның ресми ашылуы кейінге қалдырылды.

Осы уақыт ішінде Қазақстанда жұмыс істеп тұрған әзірбайжандық өндірушілер мен дистрибьюторлық компаниялар арасында келісімшарттар жасалды, сондай-ақ алғашқы экспорттық жеткізілімдер жүзеге асырылды.

• 26.05.2021
• 196