Қазақстан мен Оңтүстік Корея СІМ басшыларының телефон арқылы сөйлесуі туралы

Нұр-Сұлтан, 2021 жылдың 26 мамыры – Қазақстан Республикасы Премьер-Министрінің орынбасары – Сыртқы істер министрі Мұхтар Тілеуберді Корея Республикасының Сыртқы істер министрі Чон Ый Ёнмен телефон арқылы сөйлесті.

Тараптар халықаралық күн тәртібіндегі өзекті мәселелерді және екіжақты стратегиялық әріптестікті одан әрі дамыту перспективаларын талқылады. М.Тілеуберді саяси диалогты, парламентаралық байланыстарды дамытудың маңыздылығын атап өтіп, Корея Республикасымен сауда-экономикалық және инвестициялық ынтымақтастықты одан әрі нығайтуға сенім білдірді.

Министрлер алдағы жоғары және аса жоғары деңгейдегі екіжақты іс-шаралар кестесін келісті.

• 27.05.2021
• 269