Суға батып бара жатқан қызды құтқарған жігітті марапаттадым

Суға батып бара жатқан 2001 жылғы қызды құтқарғаны үшін Нұр-Сұлтан қаласының тұрғыны Асылбек Нұржановты марапаттадым. Оған «Суға батқандарды құтқарғаны үшін» медалі табысталды.

Оқиға 2021 жылдың 26 мамырында Нұр-Сұлтан қаласының Ақбұлақ өзенінде болған.

Күндізгі уақытта көпірлердің бірінен қыз бала кенеттен секііп кетеді. Оның суға секіргенін көріп сол маңдағы адамдар көмек сұрап айқайлаған. Сол сәтте елдордалық жоғары оқу орындарының бірінде қауіпсіздік қызметкері болып жұмыс істейтін Асылбек Нұржанов суға секіріп, қызды құтқарған.

Адам өмірін құтқарудағы ерлігі мен жанқиярлығы  үшін Асылбек Нұржановқа алғыс білдірдім. Отбасына денсаулық пен бақыт тіледім.

• 28.05.2021
• 236