2021 жылғы шомылу маусымына дайындық мәселесі бойынша ВМК отырысын өткіздім

Бүгін менің төрағалығыммен «Орталық және жергілікті атқарушы органдардың 2021 жылғы шомылу маусымын өткізуге дайындығы туралы» күн тәртібімен төтенше жағдайлардың алдын алу және жою жөніндегі ведомствоаралық мемлекеттік комиссияның отырысы өтті.

Отырысқа Орталық мемлекеттік және жергілікті атқарушы органдардың басшылары қатысты.

Төтенше жағдайлар министрлігі Азаматтық қорғаныс комитеті мен әскери бөлімдердің, Білім және ғылым министрлігі Балалардың құқықтарын қорғау комитетінің басшылары шомылу кезеңіне дайындық, балалардың бос уақыты мен жазғы демалысын ұйымдастыру туралы баяндады.

Төтенше жағдайлар министрлігінің құтқару бөлімшелері су айдындарының 125 учаскесін бақылап отырғаны, онда күшейтілген нұсқада күнделікті 493 құтқарушы қызмет атқаратыны атап өтілді. Ел бойынша шомылуға рұқсат етілген 469 орын анықталды, оның ішінде 118 коммуналдық және 275 жеке жағажай, 76 орын бойынша меншік иелері анықталуда.

Ағымдағы шомылу кезеңінде төтенше жағдайлардың туындау қаупін азайту, қауіпсіздікті қамтамасыз ету және су айдындарында адамдардың қаза болуына жол бермеу бойынша алдын алу шараларын қабылдау бойынша бірқатар нақты тапсырмалар бердім.

• 28.05.2021
• 291