Тұрғын үй нарығындағы бәсекелестік

2021 жылғы 28 мамырда «ҚазАқпарат» ХАА медиаалаңында тұрғын үй құрылысы нарығындағы бәсекелестіктің өзекті мәселелері бойынша Open Space өтті. 2021 жылғы қаңтар-сәуірде бастапқы тұрғын үй нарығындағы баға жағдайы 5,5%-ға (2020 жылғы ұқсас кезеңде өсім 1,5%- ды құрады), қайталама тұрғын үйге - 12,3%-ға (2020 жылғы ұқсас кезеңде өсім 2,2%-ды құрады) өсуді көрсетті. Қаңтар-сәуір айларында сатып алу-сату мәмілелерінің саны өткен жылдың сәйкес кезеңімен салыстырғанда 2,5 есе көп.

Бүгінгі күні бастапқы және қайталама тұрғын үй бағасының өсу қарқынының төмендегені байқалады.

Объектінің жалпы құнынан шығыстардың жартысын құрылыс материалдары шығындары құрайды. Шаршы метрдің құнына әсер ететін баға құраушы материалдар бағаларының өсуі импорттық өндіріс (металл бұйымдары) және отандық (кірпіштер) материалдарына байқалады.

Бүгінгі күні Агенттік республика бойынша негізгі құрылыс материалдары (кірпіш, цемент, арматура және т.б.) бойынша талдау жүргізеді, оның шеңберінде бағаларды көтерудің объективтілігі зерделенеді, сондай-ақ нарық субъектілерінің әрекеттері бағалық сөз байласу тұрғысынан қаралатын болады.

Сондай-ақ бүгінгі күні құрылыс материалдарын өндірушілермен бәсекелестікті қорғау саласындағы заңнаманың нормаларын сақтау туралы монополияға қарсы комплаенстің 7 актісі жасалды.

Соңғы бірнеше жыл ішінде мемлекет жеңілдетілген ипотекалық бағдарламаларды субсидиялау арқылы халықтың тұрғын үйге деген тұрақты сұранысын қамтамасыз етті, осылайша өндіріс көлемін және түтастай алғанда саланың дамуын ынталандырды.

Үкімет құрылыс материалдарының баға белгілеу мәселелеріне де көп көңіл бөледі және нарықта бағаларды тұрақтандыруға және құрылыс көлемінің құлдырауына жол бермеуге бағытталған шешімдер қабылдау бойынша жұмыс жүргізеді.

Тұрғын үй нарығында бағалардың негізсіз өсуіне жол бермеу бойынша жүргізіліп жатқан жұмыстар шеңберінде 11 хабарлама шығарылды, оның ішінде бағаларды белгілеуден және (немесе) ұстап тұрудан көрінген бәсекелестікке қарсы келісілген әрекеттер белгілері бойынша - 10.

Сонымен қатар, сұратылған ақпаратты ұсынбаумен байланысты бірқатар компанияларға қатысты әкімшілік құқық бұзушылық туралы 21 хаттама толтырылды. Соттар субъектілерге қатысты 9,6 млн. теңге сомасына айыппұл салды.

• 31.05.2021
• 219