Құрметті балалар, ата-аналар!

Барша шымкенттік балаларды 1 маусым – Халықаралық балаларды қорғау күнімен құттықтаймын!

 Елбасы Нұрсұлтан Назарбаев «Ертеңін ойлайтын, болашағына үмітпен қарайтын көшелі ел, ең алдымен, ұрпақ тәрбиесіне, шәкірт біліміне ерекше назар аударады», деді. Ал Мемлекет басшысы Қасым-Жомарт Тоқаевтың: «Қазіргі заманда кәсіби маман болу өте маңызды. Білімді адамның шамасы бәріне жетеді. Сондықтан, сендердің жасыңда, ең бастысы – жақсы оқып, білім алу», деген ақеділ ықыласын жақсы білесіздер. 
       Мемлекетіміз жас ұрпаққа сапалы білім, саналы тәрбие беруде тиісті жағдайлардың барлығын жасауда. Жылдан-жылға қаламызда білім беру нысандарының қатары артып келеді. Бүгінде Шымкентте 526  балабақша мен 186 мектеп жұмыс істеуде.  
   Айта кетейік,  2025 жылға дейін жаңадан  72 мектеп құрылысы жүргізіледі. Сонымен қатар,  қаладағы ойын алаңшалары жаңартылып, заманауи спорт алаңдары салынады. Алдағы уақытта балаларға арналған үйірмелер мен спорт секциялары тегін қызмет көрсететін болады. Бұл істер – өскелең ұрпақтың игілігі үшін  жүзеге асырылып жатқан шаралардың бір парасы ғана. 
Шымкентте Назарбаев Зияткерлік мектептер желісі іске қосылып, оқушылар халықаралық зерттеулерге қатысып, білімдерін жетілдіруде. Араларыңызда халықаралық, республикалық деңгейдегі  білім, өнер және  спорт  сайыстарында  жеңімпаз атанып,  қаламыздың абыройын асқақтатқан өрендер аз емес. Бұл біздің ортақ жетістіктер! 
       Сіздер елдің ертеңісіздер! 
Баршаңызды                   1 маусым  - Халықаралық балаларды қорғау күнімен шын жүректен құттықтаймын! Еліміздің тау тұлғасына айналып, жарқын болашағымызды жасасуға атсалысатындарыңызға сенемін!

• 01.06.2021
• 190