Қоғамдық көлік жұмысын оңтайландыру

Шымкент қаласында қоғамдық көлік жұмысын оңтайландыру, сапалы әрі тұрақты қызмет көрсетуді жүйелендіру мақсатында жолаушылар көлігін дамытудың кешенді жоспары жүзеге асырылып келеді. 

Бүгін қоғамдық көлікті дамытудың екінші кезеңі аясында қаламызда жаңа 6 маршруттың жұмысы ұйымдастырылды. Үшінші мегаполис аумағының ұлғайуына байланысты алдағы уақытта әлі де жаңа бағыттар қосылатын болады. Осылайша 18 көлік компаниясы 71 бағыттан 77 бағытқа жетіп, жолаушыларға қызмет көрсетуде.
Пандемияның жұмыс қарқынына кері әсері болмады емес, болды. Ол үшін де қала тұрғындарынан кешірім сұраймыз. 

Жаңа бағыттарға келер болсақ:

1) №9 «Шымкент сити» т.а - «Автонұр базары» аялдамасы;

2) №37 «Самал» м.а - «Темір жол вокзалы» аялдамасы;

3) №57 «Қайтпас-1» м.а - «Республика даңғылы» бойымен;

4) №68 «Восток» м.а - Гагарин көшесі бойымен;

5) №72 Рысқұлов көшесі - «Мұнай базасы» аялдамасы;

6) №126 «Алаш базары»аялдамасы - «Студенттік қалашық» аялдамасы.

Егер де қоғамдық көліктердің кешігуі жүргізушілердің дөрекі сөйлеуі және басқа да қоғамдық көлікке қатысты сауалдарыңыз туындаса
 «109» ikomek-бірыңғай байланыс нөміріне хабарласуларыңызға болады.

• 01.06.2021
• 217