Еркін форматтағы кездесу

Кеше Халықаралық балаларды қорғау күні мерекесіне орай дендросаябақ алаңында халықаралық, республикалық олимпиадалар мен ғылыми, спорт, өнер жарыстарының жеңімпаздарымен арнайы кездестім. Кездесуіміз ашық аспан астында, еркін форматта өтіп, көп сұрақтар қойылды. Сауалдарға барынша ойланып жауап беріп, дұрыс кеңестер айтуға тырыстым. Жас та болса өмірге нық қадам басқалы отырған жеткіншектер дұрыс бағытқа қарай бой түзеулері керек деп білемін.

Тәуелсіздіктің алғашқы жылдарында қаламызда 50-ге жақын балабақша, 68 орта мектеп болған болса, қазір балабақша – 526, мектеп саны 186-ға жетті. Отыз жылда 68 мың орындық 98 заманауи үлгідегі білім ордасы салынып, 85%-на күрделі жөндеу жұмыстары жүргізіліп, үш ауысымды, апатты мектептердің мәселелері шешімін табуда. Дарынды балаларға арналған үш тілде оқытатын мектептер, Назарбаев Зияткерлік мектептер желісі құрылды.

Білімді, өнерлі адам қашан да өз жолын адаспай тауып, еліне қызмет етері сөзсіз.

Ал сапалы білім, саналы тәрбие үшін барлық жағдайды жасау - біздің негізгі міндетіміз.

• 02.06.2021
• 172