Студенттермен кездесу

Бүкіләлемдік қоршаған ортаны қорғау күні қарсаңында еліміздің студенттерімен, магистранттарымен кездестім. Дөңгелек үстелде жас экологтармен табиғат байлықтарын ұқыпты пайдалану, жаңа экологиялық сана қалыптастыру мәселелерін талқыладық. Жас ғалымдар өздерінің қалдықтарды өңдеу, суды үнемдеу, орман алқаптарын ұлғайту, пластик өнімдерінен бас тарту, тағы да басқа бағыттардағы экологиялық жобаларымен, жасаған зертханалық тәжірибелерімен бөлісті. Жастардың қоршаған орта проблемаларына бейжай қарамайтыны, уақыттарын маңызды зерттеулерге арнап жатқаны қуантады. Климаттың өзгеруі, су тапшылығы, ауаның ластануы сынды глобалды проблемалар күн тәртібінде басты орынға шыққан кезде бұл аса маңызды. Бүкіләлемдік қоршаған ортаны қорғау күнінің биылғы тақырыбы - «Қайта ойлану. Қайта құру. Қалпына келтіру». Өмірлерін аса күрделі салаға арнап жатқан әріптестерді, жас экологтарды кәсіби мерекелерімен құттықтаймын!

• 05.06.2021
• 306