Ақпараттық хабарлама

Өткен демалыс күндері Сауда және интеграция министрлігі ҚР Сыртқы істер министрлігімен бірлесіп Катар Мемлекетіне "Первомайские деликатесы" компаниясының қазақстандық өнімдерін жеткізу үшін экспорттық кедергіні алып тастау бойынша жұмыс жүргізді.

Ет өңдеуде көп жылдық тәжірибесі бар компанияның өнімі "Халал" стандарты бойынша сертификатталған және Біріккен Араб Әмірліктері мен Оман Сұлтанатына импорттауға жіберілген. 

Осы жылы көктемде "Первомайские деликатесы" компаниясы алғаш рет өз өнімін (бұқтырылған сиыр еті мен қой еті, шұжық өнімдері, етті жартылай фабрикаттар: қуыруға арналған шұжықтар, сиыр етінен жасалған стейктер, котлеттер) Катар мемлекетіне жеткізуге шарт жасасты.

Бірінші партия сәтті экспортталды және Катар мемлекетіндегі дүкен сөрелерінде сатылымға шықты.

Алайда мамыр айының соңында екінші партия белгісіз себептермен импортқа жіберілмеді.

Катар мемлекетіндегі Қазақстан Республикасының Елшілігі мен Сауда және интеграция министрлігі қызметкерлерінің бірлескен жедел іс-әрекеттері бизнеске келісімшарт бойынша міндеттемелерді орындауға және материалдық залалдың алдын алуға мүмкіндік берді.

Қазіргі уақытта қазақстандық "Первомайские деликатесы" компаниясының өнімдері Катарда сатуға жіберілді.

• 09.06.2021
• 175