Интернет - күнделікті айнымас бөлшегімізге айналды.

Қаламызды сапалы интернетпен қамтамасыз ету мақсатында өткен жылдан бері ауқымды жұмыстар атқарылып, жұмыстар үш кезеңге бөлінген-ді.

Алғашқы кезеңде 11 базалық станция орнатылды. Биыл 14-і қарастырылып координаталары мобильді байланыс операторлармен келісілді. Олардың ішінде 8 жерге жеке инвестор қаражаты есебінен антенна-матчталық құрылғыларға мобильді байланыс операторларының базалық станциялары орнатылатын болады. А2 трассасы, Аэропорт маңы, Солтүстік-Батыс, Қайнар бұлақ (саяжай алабы), Тассай, «Құрсай, Р32 трассасы, Ынтымақ (Тұрлан) шағын аудандары. Қазір инвестор тарапынан жер қазу, бетон құю және антенна-матчталық құрылғыны орнату жұмыстары жүргізілуде.

Одан бөлек, қала аумағындағы 45 шағын ауданданның байланыс сапасы тексерілді. Сапаны түзету мақсатында мобильді байланыс операторларымен кездесулер өткізудеміз. Аталғандардан бөлек талшықты-оптикалық желі тарту үшін интернет сапасы төмен 30 тұрғын алап анықталып, оларға оптика тарту жұмыстары жүргізілуде. 17 елді мекенге оптика желісі жүргізіледі. Оның ішінде Тассай, Таскен тұрғын алаптарындағы 4 көшеге (400 үйге) кабел жүргізіліп, модем арқылы интернетке қосылды.

Ал, «I-LinkNet» ЖШС тарапынан Ақжайық шағын ауданындағы 1 көшеге (158 үйге) кабель жүргізіліп, модем орнатылып іске қосылды.

Қорытындылай келе, бұл бағыттағы жұмыстар жүйелі түрде, рет-ретімен сапалы жүзеге асырылу барысы өз бақылауымда.

• 09.06.2021
• 217