Сауда және интеграция министрі Б. Сұлтанов World Logistics Passport Жаһандық саммитінде сөз сөйледі

2021 жылғы 8 маусымда онлайн-форматта World Logistics Passport Бірінші жаһандық саммиті өтті.

Пікірсайыс көшбасшылары WLP бастамасына қатысушы елдердің сауда, экономика және инфрақұрылым министрлері, Дүниежүзілік сауда ұйымының, халықаралық ұйымдардың, бизнес-қоғамдастықтың өкілдері болды.

Елдер өкілдері пандемиядан кейінгі кезеңдегі халықаралық ынтымақтастық пен сауданың болашағын және WLP тұрақты халықаралық сауданың дамуына қалай ықпал ететінін талқылады.

Қазақстан World Logistics Passport тіркелген 15 хабтың бірі болып табылады. Біздің елден бағдарламаға серіктес ретінде Алматы қаласының кеден органы, "Қорғас" ШЫХО және "Network Synergy"ЖШС қосылды.

ҚР Сауда және интеграция министрі Бақыт Сұлтанов өз сөзінде хабарлағандай, Қазақстан басқа елдердегі WLP Хабтарына қосылу және сауда және көлік жүйелерінің байланысын арттыру есебінен басқа елдердің нарықтарына шығу үшін үлкен әлеуетті көріп отыр.

Министр біздің еліміз Орталық Азия өңірін, сондай-ақ қазақстандық трейдерлер мен логистикалық компаниялар WLP Үнді хабында тіркелу арқылы шыға алатын Үндістан нарығын перспективалы бағыттар ретінде қарастыратынын хабарлады.

"WLP бағдарламасына қатысушылардың көпшілігін тарту Қазақстанның транзиттік әлеуетін, оның ішінде "Бір белдеу және бір жол" бастамасы аясында арттыруға мүмкіндік береді", - деп мәлімдеді Сұлтанов.

Министр, сондай-ақ, Қазақстан Республикасында экспорт-импорт және транзиттік сауда ағындарының кедергісіз қозғалысын қамтамасыз ету үшін барлық қажетті инфрақұрылым құрылғанын айтты. Оны жетілдіру бойынша жалғасып жатқан жұмыс Қазақстанға өңірдің сауда және логистикалық хабы мәртебесін нығайтуға мүмкіндік береді.

"Қазірдің өзінде Қазақстан арқылы құрлық бағыттары өзінің бәсекеге қабілеттілігін көрсетті. Биыл транзит стратегиялық межеден миллион контейнерге, оның ішінде Азия-Еуропа бағытында 700 мың ЖФЭ* асып түседі", - деп хабарлады ҚР Сауда министрі.

* ЖФЭ (жиырма футтық эквивалент) - көлік ағындарының сандық жағын, контейнерлік терминалдардың өткізу қабілетін немесе жүк көлік құралдарының сыйымдылығын өлшеудің аулау бірлігі.

WLP Бірінші жаһандық саммиті бағдарламаның негізгі нәтижелері мен өткен 2 жылда қол жеткізілген прогресті қорытындылады. Қатысушылар қазіргі уақытта 20-дан астам елде жұмыс істейтін логистика саласындағы алғашқы жаһандық адалдық бағдарламасы аясында болашаққа жоспарлар жасады.

World Logistics Passport (WLP) жаһандық бастамасы — халықаралық сауданы дамытудың стратегиялық ПАЙЫМЫ шеңберінде 2019 жылы шейх Мұхаммед (Дубай) бастаған жаһандық бастама.

WLP логистика саласындағы құндылықтар тізбегін ең жақсы тәжірибелермен қамтамасыз ететін негізгі мемлекеттік және жеке құрылымдарды біріктіреді.

Бұл ретте World Logistics Passport кедендік және сауда операцияларын оңайлату, тиімді мультимодальдық сауда дәліздерін дамыту үшін бірінші жаһандық бейілділік бағдарламасы арқылы халықаралық сауданы ынталандыруға бағытталған жеке сектордың бастамасы болып табылады. Бастама порттар, әуежайлар, авиакомпаниялар және кеден қызметтері сияқты бағдарламаның стратегиялық серіктестері арқылы сауданы арттыру үшін трейдерлер мен экспедиторларға қаржылық және қаржылық емес пайда әкеледі.

• 10.06.2021
• 156