Құрметті достар! 20 мамырда қазақстандық метрологтар əлемдік кəсіби қауымдастықпен бірге Дүниежүзілік метрология күнін атап өтеді.

Мереке 1875 жылы Париждегі Метрикалық конвенцияға қол қою күніне орайластырылып, өнеркəсіптік, коммерциялық жəне қоғамдық қолданудағы өлшемдер туралы ғылым саласындағы жаһандық ынтымақтастықтың негізін қалады. Бүгінде Қазақстан халықаралық деңгейде танылған тиімді метрологиялық инфрақұрылымға ие екендігін баса айтқым келеді. Қалыптасқан дəстүр бойынша Халықаралық өлшемдер мен таразылар бюросы жаһандық саудаға арналған өлшемдер деген 2020 жылдың ұранын анықтады. Таңдалған тақырыптың Қазақстан үшін де өзектілігін атап өткім келеді. Біздің елімізде алғаш рет өткен жылдың маусым айында Сауда жəне интеграция министрлігі құрылды, бұл ұлттық брендтер мен тауарлардың əлемдік нарықтарға шығуының мемлекет үшін маңыздылығын білдіреді. Сауданың əділ болуына ықпалын, өнімге берілген сертификаттарға сенімді, бəсекеге қабілеттілікті арттыруды жəне қазақстандық өнімнің халықаралық танылуын қамтамасыз етудегі метрологияның рөлін асыра бағалау қиын. Метрология аккредиттеумен, стандарттаумен жəне сəйкестікті бағалаумен қатар ұлттық сапа жүйесінің негізгі компоненттерінің бірі болып табылатынын ескере отырып, Министрлік саланы дамытумен айналысуды жалғастыруда. Құрметті əріптестер! Республикамыздың барлық мамандарын, сондай-ақ метрология ісіне өз талантын, білімі мен тəжірибесін арнап жүрген шетелдік əріптестерімізді кəсіби мерекемен құттықтаймын! Сіздерге табыстар мен жаңа жетістіктер тілеймін!

• 20.05.2020
• 377