Бақыт Сұлтанов халық алдында есеп берді

Нұр-Сұлтан, 2021 жылғы 22 маусым. Бүгін Сауда және интеграция министрі Бақыт Сұлтанов халық алдында есеп беру кездесуін өткізді.

Министр COVID-19-дан туындаған экономикалық және әлеуметтік толқулар әлемдік саудаға қатты әсер еткенін айтты. Біріккен Ұлттар Ұйымының ЮНКТАД деректері бойынша 2020 жылы халықаралық сауда көлемі 9%-ға: тауарлар саудасы – 6%-ға және қызметтер саудасы-16,5%-ға қысқарды.

Бұл ретте, Қазақстанның сыртқы сауда айналымы 2020 жылы 13%-ға ($85 млрд. тауарлар мен көрсетілетін қызметтердің шикізаттық емес экспорты – 13,5%-ға (2 20,4 млрд. дейін) азайды. Сонымен қатар, ол карантиндік шектеулер мен жеткізілім тізбегінің бұзылуы азық-түлік емес тауарларға сұраныстың 20%-ға (56,7 доллардан 45,5 миллиард долларға дейін) төмендеуіне әкелгенін айтты.

«Ішкі нарықтың тұрақтылығын және экспорттың болжамды көлемін қамтамасыз ету үшін біз көршілес елдермен (Қырғызстан, Өзбекстан, Тәжікстан, Иран және РФ) маусымаралық және егін жинау кезеңінде картоп, пияз, сәбіз және қырыққабатты өзара жеткізу бойынша форвардтық шарттар жасасуды жоспарлап отырмыз. Жаппай егін жинау кезеңінде біз көрші елдерге шамамен 765 мың тонна көкөніс жеткізе аламыз. Бұл ретте, біздің нарық 280 мың тонна импорттық ерте көкөністермен уақтылы қамтамасыз етілетін болады. Нәтижесінде осы өнімдерге баға ауытқуының күтілетін серпіні 7-10% дәлізінде болады.»,- деді Бақыт Сұлтанов.

Сонымен қатар, шикізаттық емес экспортты ұлғайту үшін            Министрлік проактивті экспорттық саясат жүргізуде. Осылайша, экспорттың 13,5 млрд.$-ға ұлғаю болжамымен өнімнің 16 басым түрі айқындалды.

«Әр экспорттаушымен біз шын мәнінде «бетпе-бет» жұмыс жасаймыз. Мәселен, бір-екі апта бұрын Министрлік Қазақстан Республикасының Катар Мемлекетіндегі Елшілігімен бірлесіп «Халал» қазақстандық ет өнімдерін өндіруші – «Первомайские деликатесы» компаниясына экспорттық кедергіні алып тастауға көмектесті (мүшеленбеген тұтас сиыр еті мен қой еті, шұжық өнімдері, еттен жасалған жартылай фабрикаттар: қуыруға арналған шұжықтар, сиыр етінен жасалған стейктер, котлеттер)», - деп хабарлады ҚР Сауда және интеграция министрі.

Компания Катарға жеткізуге ұзақ мерзімді келісімшарт жасағандығы және бірінші партия Катардағы барлық импорттық процедуралардан еш қиындықсыз өткендігі атап өтілді. Бірақ екінші партия кеденде белгісіз себептермен тұрып қалды.

«СІМ өкілдерімен бірге біз осы мәселені пысықтадық және бизнес келісімшарт бойынша өз міндеттемелерін орындай алды. Қазір қазақстандық «Первомайские деликатесы» компаниясының өнімдері Катарда сатылады»,-деді Бақыт Сұлтанов.

• 23.06.2021
• 181