Акселерация бағдарламасына тамақ, жеңіл, химия салалары және машина жасау кіреді

2021 жылғы 22 маусымда халық алдында есеп беру кездесуін өткізген Сауда және интеграция министрі Бақыт Сұлтанов экспорттаушыларды қолдау шаралары туралы хабарлады.

«Қазіргі уақытта Қазақстанда 600-ге жуық белсенді экспорттаушы бар. Біздің міндетіміз алдағы 3-4 жылда олардың санын 1000-ға дейін жеткізу. Ол үшін экспорттаушыларды қолдау бойынша жұмыстар жүргізілуде», - деді Бақыт Сұлтанов.

«Мәселен, 2020 жылы QazTrade компаниясының базасында біз кәсіпкерлерді қолдаудың жаңа құралы – «Экспорттық акселераторды» іске қостық. Бағдарламаның негізгі міндеті – қарқынды экспорттық дамуда ШОБ субъектілеріне қолдау көрсету және жаңа нарықтарға шығуға дейін сүйемелдеу», - деп хабарлады министр.

Өткен жылы Министрлік Қытай бағытын таңдап, тамақ өнеркәсібі кәсіпорындарын оқытқан болатын. 500-ге жуық компания қатысуға өтінім берді, олардың ішінен неғұрлым жоғары экспорттық әлеуеті бар 35 өндіруші іріктелді.

Бүгінгі таңда жүргізілген жұмыс нәтижелері бойынша шамамен 167 млн.$ сомасына 18 әлеуетті келісімшарт бар.

Б. Сұлтанов айтып өткендей, СИМ акселерациясы барысында ШОБ экспортының негізгі проблемасына – өндіріс көлемінің жеткіліксіздігіне тап болды. Атап айтқанда, Қытай компанияларының ет өнімдеріне, өсімдік майларына, тұздықтарға және тұзға сұранысы қазақстандық қатысушылардың ағымдағы мүмкіндіктерінен 4 есе асып түседі.

Мысалы, Luqioa Food Company (Шаньдун даңғылы) ірі компаниясының мұздатылған сиыр етіне жыл сайынғы қажеттілігі шамамен 70 мың тонна, құрғақ түйе сүтіне – 16 тонна. Сондықтан бұл фактор ықтимал өндіріс көлемінің өсуіне әкелуі тиіс.

Сонымен қатар, Б. Сұлтанов бизнес-миссияларды өткізу экспортты ұлғайтуға ықпал ететінін айтты.

2020 жылдың ақпан айынан бастап Душанбе қаласында алғашқы бизнес-миссияның қорытындысы 4 локомотив, электр-трансформатор жеткізуді қоса алғанда, 81 млн.$ арналған 5 келісім мен меморандумға қол қою болды.

Ағымдағы жылдың соңына дейін ҚР Сауда және интеграция министрлігі эпидемиологиялық жағдайы қолайлы елдерде тағы 9 сауда миссиясын өткізуді жоспарлап отырғанын естеріңізге сала кетейік.

Есептік кездесу барысында Бақыт Сұлтанов 2021 жылы Министрлік акселерация бағдарламасын сандық және сапалық қамтуды айтарлықтай кеңейтуді жоспарлап отырғанын хабарлады.

Басым салалар ретінде тамақ, жеңіл, машина жасау және химия салалары таңдалды. Мақсатты нарықтардың географиясы да кеңейтілді. Оған Қытайдан басқа Ресей, Орталық Азия және Таяу Шығыс елдері кіреді. Кәсіпорындардың жалпы саны шамамен 90 компанияны құрайды. Тоқыма өнімдерін экспорттау үшін өндірушілерімізді Өзбекстан, Ресей, БАӘ және Қытай нарықтарына нақты ілгерілету қамтамасыз етіледі.

«Менің білуімше, Adili отандық компаниясының өнімдері БАӘ нарығында танымал. Дубай Hotel Indigo көрмесінде мамыр айында компания өз өнімін – орамалын шамамен 2 млн.теңгеге сатты», - деді министр.

Экспорттық акселерация бағдарламасы жыл сайын шамамен 100 белсенді экспорттаушыны өсіруге мүмкіндік береді, ал 2025 жылға дейін белсенді экспорттаушылардың саны 1000-ға жетеді.

• 23.06.2021
• 213