Сауда және интеграция министрлігі: КТО әлеуметтік маңызы бар азық-түлік тауарларына қалай әсер етеді

Бүгін, 2021 жылғы 22 маусымда ҚР Сауда және интеграция министрі Бақыт Сұлтанов халықпен жыл сайынғы есептік кездесу өткізіп, оның барысында әлеуметтік маңызы бар азық-түлік тауарларының бағасын ұстап тұру бойынша қабылданып жатқан шаралар туралы айтты.

Осылайша, Министрлік ҚР Бәсекелестікті қорғау және дамыту агенттігімен және ҚР Ауыл шаруашылығы министрлігімен бірлесіп, ӘМАТ бағасын тұрақтандыру бойынша Үкімет бекіткен Жол картасы аясында жұмыс жүргізуде.

«Бүгінде 3 млрд.теңгеден астам сомаға 20 мың тоннаға жуық азық-түлік көлемінде тұрақтандыру қоры қалыптастырылды, 4 млрд. теңгеге жуық сомаға 35 мың тоннадан астам жеткізуге форвардтық шарттар жасалды, ал «айналым схемасына» 30 млрд. теңгеден астам қаражат бөлінді», - деп хабарлады Бақыт Сұлтанов.

Әкімдіктер, сауда объектілері мен өндірушілер арасында бағаны тұрақтандыру туралы 15 мыңға жуық келісім жасалды, сондай-ақ нарықты тауарлармен молықтыру мақсатында 700-ге жуық ауыл шаруашылығы жәрмеңкесі өткізілді.

Сонымен қатар, 26 қыркүйекке дейін ел аумағынан 6 ай мерзімге аналық ірі қара мал мен ұсақ мал басын әкетуге уақытша тыйым салынды.

Сонымен қатар, баға алыпсатарлығы (бәсекелестікке қарсы келісілген іс-әрекеттер), үстемдік немесе монополиялық жағдайды теріс пайдалану белгілері бойынша монополияға қарсы орган азық-түлік нарықтарындағы кәсіпкерлерге 50-ге жуық хабарлама шығарды.

Кездесу барысында Министр ведомствоның атына қойылған картоп бағасының өсуі туралы өзекті сұраққа жауап берді.

Министр, ең алдымен, нарық мемлекеттің қатысуынсыз, яғни нарықтық экономика жүйесі негізінде реттелетінін түсіндірді.

Бүгінгі күнге Қазақстан аумағында картоптың үш түрі бар, олар: бағасы 180 тг/кг басталатын отандық өндірістің ескі егінінің картобы, Мысыр, Пәкістан, Өзбекстан және Қызғызстаннан импортталатын картоп, ол біздің ескі егіннің картобына қарағанда қымбатырақ, сондай-ақ таяуда ғана дүкен сөрелеріне 230 теңгеден 300 тг/кг дейінгі бағамен келіп түскен жаңа егіннің жергілікті картобы.

Бақыт Сұлтанов атап өткендей, мұндай жағдайларды түзетуге кейіннен жүйелі шаралар көмектеседі. Мәселен, фермерлер, көтерме саудагерлер, логисттер мен агрономдар қол жеткізе алатын КТО негізіндегі Бірыңғай ақпараттық жүйе сұраныс пен ұсынысты жақсырақ түсінуге, жоспарлауға, артық өндіруден болатын шығындарды азайтуға және жекелеген өнімдердің тапшылығынан бағаның өсуіне жол бермеуге көмектеседі.

«Тауарларды бастапқы өңдеу, сұрыптау, өлшеп-орау, сертификаттау және өнім сапасын бақылау бойынша қызметтердің бір жерде шоғырлануы өнімнің өзіндік құнының төмендеуіне әкеледі», - деді Сауда ведомствосының басшысы.

• 23.06.2021
• 208