Құрметті мемлекеттік қызметшілер!

Сіздерді кәсіби мерекелеріңізбен шын жүректен құттықтаймын!
Әрбір мемлекеттің ең басты тірегі, оның идеясы мен саясатын алға жылжытатын қозғаушы күші мемлекеттік қызметкерлері болып табылады. Сондықтан билікке деген сенім қазіргі қоғамның талаптарына сай мемлекеттік қызметшіден басталады. Ел абыройын асқақтататын, ұлт мәртебесін көтеретін маман болу – бүгінде Сіздерге артылған үлкен жауапкершілік.
Мемлекет басшысы Қасым-Жомарт Тоқаевтың  соңғы Жолдауында мемлекеттік басқару саласын реформалау арқылы көрсетілетін қызметтің сапасын оңтайландыру мен жетілдіру мақсатында қолға алынған «Халық үніне құлақ асатын мемлекет» тұжырымдамасын іске асыру жұмыстары өз деңгейінде атқарылып келеді.  
Бүгінде Шымкентте 2038 мемлекеттік қызметші еңбек етуде. Қаламыздың әлеуметтік-экономикалық дамуына сүбелі үлесін қосып, игі бастамаларды жүзеге асырудағы іскерлік қабілеттеріңіз үшін алғысымды жеткізгім келеді. Еліміздің жарқын болашағы жолында атқарып жатқан жұмыстарыңыз жемісті болсын! 
Сіздерге зор денсаулық, отбасыларыңызға амандық, еңбектеріңізге сәттілік тілеймін!

• 23.06.2021
• 192