Қаржы ұйымдарында мүмкіндігі шектеулі адамдарға қызмет көрсету

Құрметті отандастар!

Агенттік қызметінің басым бағыттарының бірі – мүмкіндігі шектеулі адамдар үшін қаржылық қызметтердің қолжетімділігін қамтамасыз ету. 2020 жылдан бері Қазақстан қаржыгерлерінің қауымдастығымен бірлесіп халықтың осы санаты үшін қаржылық қолжетімділіктің өсуін тежейтін кедергілерді анықтаудамыз. Жұмыс тобы да құрылды, оның жұмысы аясында Агенттік ҚҚҚ-мен бірлесіп қаржы ұйымдары үшін бірқатар құжаттарды әзірледі. Әдістемелік ұсынымдар осындай құжаттардың бірі болып табылады, ол мүмкіндігі шектеулі адамдардың объектілер мен қаржылық қызметтерге толық әрі кедергісіз қол жеткізуін қамтамасыз етуге бағытталған.

Бұл ұсынымдар қаржылық инклюзияны арттырудағы әлемдік тәжірибе негізінде әзірленген және түрлі санаттағы:

• көру қабілеті бұзылған;
• есту және/немесе сөйлеу қабілеті бұзылған;
• тірек-қимыл аппараты бұзылған;
• менталды ауытқулары адамдарға арналған.

Ұсынымдар шеңберінде банкоматтар мен терминалдарды қажетті техникалық және бағдарламалық мүмкіндіктермен жабдықтау, қаржы ұйымдарының фронт-офистері мен бөлімшелерінде қаржылық көрсетілетін қызметтер ұсыну, коммуникациялардың түрлі арналарын пайдалану айқындалған.

Сондай-ақ, Агенттік әлемдік тәжірибе негізінде мүмкіндігі шектеулі адамдар үшін ақпараттың қолжетімділігін қамтамасыз ету жөніндегі Әдістемелік ұсынымдарды әзірлеп, қаржы ұйымдарына жіберді. Бұл, ең алдымен, ақпараттық ресурстарға қойылатын талаптар – мобильдік қосымшалар мен сайттардың интерфейстерін адамдардың барлық санатының қажеттілігіне сәйкестендіру.

Шектеуші факторларды, сондай-ақ Ұлыбритания, Канада, АҚШ, Үндістан, Австралия, ЕО және Ресейдің тәжірибесін талдай келе, Агенттік Қаржыгерлер қауымдастығымен және қоғамдық ұйымдармен бірлесіп іс-шаралар жоспарын әзірледі.

Мүмкіндігі шектеулі адамдар арасында неғұрлым сұранысқа ие қаржылық қызметтерді анықтау үшін сауалнама іске қосылды. Алынған деректер негізінде сауалнамаларда көрсетілген қаржылық қызметтер мен өнімдер цифрландырылады.

Біз үшін қаржылық инклюзияның басым бағыттарының бірі идентификаттау мен бірдейлендірудің биометриялық және қашықтан қызмет көрсету әдістерін пайдалана отырып, қаржылық қызметтер көрсетудің қашықтан қызмет көрсету тетіктерін дамыту болып табылады. Тамыз айынан бастап ағымдағы жылдың соңына дейін Агенттік Ұлттық Банкпен, Қаржыгерлер қауымдастығымен және қаржы ұйымдарымен бірлесе отырып, қаржылық қызметтер көрсетуге және биометриялық деректерді жинауға кедергі келтіретін шектеулерді анықтау және жою процесін бастайды. 2021 жылдың соңына дейін қаржы ұйымдарының мобильдік қосымшалары мен сайттарының барлық интерфейстері адамдардың барлық санатының қажеттіліктеріне сәйкес келтірілуге тиіс. 2021 жылғы күзде «Толығымен инклюзивті қаржы ұйымы» пилоттық жобасын іске қосу жоспарлануда. 

Әдістемелік ұсынымдарды енгізу шеңберінде Агенттік қоғамдық ұйымдармен бірлесіп қаржы ұйымдарының қызметкерлерін мүмкіндігі шектеулі адамдармен өзара жұмыс істеуге үйретуді қамтамасыз етеді. Қаржы нарығына арналған дәрістер, семинарлар мен тренингтер өткізіледі.

Осы санаттағы азаматтар үшін қашықтан қызмет көрсету арналарының қолжетімділігін арттыруға ерекше назар аударылуда. Қорытындылай келе айтарым: Әдістемелік ұсынымдардың негізгі мақсаты – мүмкіндігі шектеулі адамдар үшін тең мүмкіндіктерді қамтамасыз ету және қаржылық қызметтер мен өнімдерді алу кезінде туындайтын проблемаларды шешу.

• 28.06.2021
• 257