Бәсекелестікті дамыту жөніндегі заң жобасы туралы

Мемлекет басшысының тапсырмасы бойынша Бәсекелестікті қорғау және дамыту агенттігі Бәсекелестікті дамыту жөніндегі заң жобасын әзірледі, ол Үкімет отырысында мақұлданды және ҚР Парламенті Мәжілісіне қарауға жіберілді.

Бұл заң жобасы адал бәсекелестікке кедергі келтіретін негізгі мәселелерді шешуге бағытталған. Бәсекелестікті дамыту жөніндегі шараларды іске асырғаннан күтілетін нәтиже:

- 2025 жылға қарай мұнай өнімдерінің биржалық саудасын 20% - ға дейін, ал сұйытылған газ саудасын келесі жылы  100% - ға дейін ұлғайту. Күтілетін экономикалық тиімділік - 1,9 триллион теңгеден астам.

- Электр энергиясының орталықтандырылған сауда-саттық көлемін 2025 жылға қарай 30% - ға дейін 350 миллиард теңгеден астам сомаға ұлғайту.  Бюджет қаражатын жыл сайын 20 миллиардқа және ШОБ үшін 31 миллиард теңгеге үнемдеу.

- Маркет плейстерін дамыту – электр энергиясын жеткізушіні ауыстыру уақытын 10 есе қысқарту.

- 2025 жылға қарай әуежай аумағында жерде 7 қызмет көрсет түріне  еркін қолжетімділікті қамтамасыз ету.  

- Байланыс саласындағы кабельдік канализацияға қолжетімділікті қамтамасыз ету.

- Республикалық және облыстық маңызы бар қалалардағы муниципалды автобус парктерінің санын қысқарту.

- 2025 жылға қарай мемлекеттік тапсырмалар көлемін 50% - ға қысқарту.

- 2025 жылға қарай 20 бірыңғай операторды оңтайландыру.

Осының барлығы Қазақстандағы бәсекелестік ортаны жақсартуға және дамытуға мүмкіндік береді.

• 30.06.2021
• 296