Семей қаласында Қазақстандағы алғашқы радионуклидті терапия бөлімшесі ашылды

24 маусым күні Семей қаласындағы Ядролық медицина және онкология орталығына ЯФИ бас директоры Қаракөзов Батыржан Көмекбаевичтің, Радиохимия мен изотоптар өндірісінің ғылыми-техникалық орталығының бастығы Чакрова Елена Тихоновнаның және ЯФИ РМК жетекші ғылыми қызметкерлерінің ресми сапары өтті, онда Шығыс Қазақстан облысының әкімі Даниал Ахметов Қазақстандағы алғашқы Радионуклидтік терапия бөлімшесін ашқан болатын.

«Қазақ онкология және радиология ғылыми-зерттеу институты» АҚ Басқарма төрайымы Диляра Қайдарова Шығыс Қазақстанда қатерлі ісік ауруларының жиі кездесетіндіктен, аталған бөлімшені ашудың жоғары маңыздылығын атап өтті.

2021 жылы 24 маусымда препарат Семей қаласындағы Ядролық медицина және онкология орталығының алғашқы емделушілеріне жеткізілді. Ағзаның патологиялық ошағында Натрий йодиді (131I) радиофармпрепаратының таңдамалы жиналуы арқылы қоршаған тіндерді сақтаған кезінде қатерлі ісік жасушалары жойылады. Ядролық медицина және онкология орталығында қалқанша безінің қатерлі ісігін емдеудің бірегей, ең бастысы тиімді және қауіпсіз әдісі енгізілді. Жыл сайын республикада 600-ге жуық адам осындай емдеуді қажет етеді. Радиойод терапиясы – қалқанша безінің қатерлі ісігі мен тиреотоксикозды емдеудің ең тиімді және қауіпсіз әдісі болып табылады. Бұл әдістеменің бірегейлігі – натрий йодиді шығаратын бета-бөлшектер тінге нүктелі түрде, тек екі миллиметр шегінде әсер етеді. Сондықтан радиацияның бұл түрі басқа органдар үшін қауіпті емес болып табылады.

Натрий йодиді радиофармпрепаратын (131I) өндіру Алматы қаласындағы Ядролық физика институтының базасында жүзеге асырылады.

Ядролық физика институтында (Алматы қ.) радиофармацевтикалық препараттар өндірісінің тарихы 1986 жылдан бастап басталады. Дәл осы жылы КСРО-да миокард инфарктісін ерте диагностикалау үшін Таллий-201 изотопы бар препараттың алғашқы өндірісі ұйымдастырылды.

Қазіргі уақытта Ядролық физика институты қатерлі ісік ауруларын емдеу және диагностикалау үшін пайдаланылатын бірқатар радиофармпрепараттарды шығарады, Ядролық физика институтында өндірілетін радиофармпрепараттар туралы толық ақпаратпен институттың сайтында танысуға болады www.inp.kz/structure/science-tech-department/ntc-isotopes/

• 30.06.2021
• 279