"QazTrade" 15 жасқа толады!

https://www.facebook.com/bakhyt.sultanov

Достар!

Бүгін экспортты қолдау және дамыту жөніндегі операторымызға – QazTrade компаниясына 15 жыл толады!

«QazTrade» сауда саясатын дамыту орталығы» АҚ Қазақстанның Дүниежүзілік сауда ұйымына кіруі жөніндегі келіссөздер процесінде маңызды рөл атқарды және мүшелік шеңберінде қабылданған міндеттемелерді тиімді іске асыруда талдамалық қолдау көрсетуді жалғастыруда. Бүгінде компания халықаралық сауда орталығы мен ЭЫДҰ-ның негізгі серіктесі болып табылады. Еуразиялық экономикалық одақ аясында Қазақстан қол қоятын еркін сауда аймақтары туралы барлық келісімдер QazTrade-де сараптамадан өтеді. Сонымен қатар, компания сарапшылары еліміздің ЕАЭО-дағы келіссөз ұстанымын қалыптастыруға белсенді қатысуда.

Бүгінде компания ішкі сауданы дамытуда негізгі талдау орталығы болып табылады. Мұнда саудадағы ағымдағы жағдайды бағалау және саланы мемлекеттік реттеуді жетілдіру бойынша ұсыныстар әзірленеді. Қызметкерлер ішкі нарықтағы бағаларға тұрақты мониторинг және талдау жүргізеді.

Соңғы екі жылда QazTrade-нің алдында жаңа маңызды міндеттер тұрды – компания шикізаттық емес өнім экспортын дамыту және ілгерілету жөніндегі оператор мен негізгі институтқа айналды. Орталықта іс жүзінде компанияның диагностикасы мен оның экспорттық мүмкіндіктерін бағалаудан бастап сапалы талдау және консалтингтік қызметтер көрсетуге дейін отандық өнім өндірушілерді қаржылай емес қолдаудың толық спектрі қалыптастырылған.

Өткен жылдан бастап QazTrade базасында ел үшін бірегей жоба – экспорттаушының акселерациясын іске асыру жүзеге асырылуда.

Мен QazTrade компаниясының барлық қызметкерлерін осы мерейтоймен құттықтаймын.

Компанияның талантты, кәсіби командасына қазақстандық экспортты дамытуға қосқан үлесі үшін зор алғысымды білдіремін. Бизнес-қоғамдастық үшін әрқашан пайдалы болуға және қазақстандық брендпен жаңа нарықтарды жаулап алуларына тілектеспін!

Жолдарыңыз сәтті, ойларыңыз ортақ болып, биік мақсаттарға жетіңіздер!

• 02.07.2021
• 228