Нұр-Сұлтанда Еуразиялық зергерлік экспорттық бюросы ашылды

2021 жылғы 1 шілдеде ҚР Сауда және интеграция вице-министрі Қайрат Төребаев «Астана» халықаралық қаржы орталығының алаңында (ЭКСПО аумағы) Еуразиялық зергерлік экспорттық бюросының ашылуына қатысты.

Бюроны ашудың мақсаты отандық зергерлік өнімді де, ЕАЭО-ға қатысушы елдердің зергерлік өнімдерін де одан әрі дамыту және экспортқа шығару болып табылады.

Бюро қатысушылары зергерлік өнімді ілгерілету, сыртқы нарықтарға қол жеткізу шарттарын оңайлату, әлеуетті тұтынушылар мен инвесторларды іздеу, логистикалық тізбек пен дистрибуция тізбегін құру, бірлескен дилерлік орталықтар құру және т.б. бойынша консультациялық органдар мен салалық жұмыс топтарына қатысу арқылы мүше мемлекеттердің мемлекеттік органдарымен және халықаралық ұйымдармен өзара іс-қимыл жасай отырып бастамалар ұсынатын болады.

Вице-министр өзінің құттықтау сөзінде зергерлік бұйымдардың әлемдік тауар айналымы бүгінгі күнге шамамен 350 млрд. АҚШ долларын құрады, ал ЕАЭО елдерінің зергерлік бұйымдарының тауар айналымы 221,1 млн. АҚШ долларын құрайды, бұл зергерлік бұйымдардың әлемдік саудасының 1%-нан да аз.

«ЕАЭО-ға қатысушы елдердің аумақтарында алтын, күміс және басқа да бағалы металдардың көп мөлшері, сондай-ақ зергерлік бұйымдарды өндіру үшін барлық қажетті ресурстар бар», - деді Қайрат Төребаев.

Соңында вице-министр Еуразиялық зергерлік экспорттық бюро біздің елдеріміздің бизнес-қоғамдастығы үшін үшінші елдердің нарықтарына зергерлік өнімдер экспорты көлемінің сапалы өсуіне ауқымды және пәрменді серпін беретін алаңға айналатынына сенім білдірді.

Салтанатты ашылу рәсімі Қазақстан зергерлері лигасының төрағасы Қ.А. Жұмалиевке бюроның «Астана» халықаралық қаржы орталығында АХҚО-да тіркелгені туралы сертификатты табыстаумен аяқталды.

Сонымен бірге, Зергерлердің халықаралық конгресін қолдау мақсатында 2021 жылғы 30 маусым мен 3 шілде аралығында ЕАЭО елдерінің ең танымал зергерлері бағалы металдар мен асыл тастардан жасалған зергерлік бұйымдарының көрмесі өткізілуде.

• 02.07.2021
• 273