QazTrade: Экономикалық шекаралық хабтар экспортты дамытуға ықпал етеді

«QazTrade» АҚ Бас директоры Азамат Асқарұлы Astana Finance Days 2021 халықаралық конференциясының «дәлізден экономикалық платформаға: жаңа сауда байланыстары» панельдік сессиясына қатысты.

 Аталған сессияның модераторы ретінде Халед Абу Захр (Eurabia Media бас директоры), сондай-ақ іс-шараға Джихад Азур (ХВҚ Орта Шығыс және Орталық Азия бойынша департаментінің директоры), Кавех Сами (Neuberger Berman атқарушы төрағасы), Мансур Мұхтар (ISDB салалық операциялар жөніндегі вице-президенті) және Хенк Ян Хугендорн (Катар Қаржы орталығының басқарушы директоры) қатысты.

Азамат Асқарұлы өз сөзінде қатысушыларға Қазақстанның саудасындағы ағымдағы жағдайды, сондай-ақ сауданы дамыту жөніндегі жобалар мен жоспарларды ұсынды:

«Отандық өнім экспортын дамыту мен ілгерілетуге көрші елдермен құрылатын сауда-экономикалық хабтардың әлеуеті ықпал ететін болады.

Өзбекстанмен шекарада «Орталық Азия» ХСЭЫО құру қазақстандық экспорттың алдын-ала есептеулер бойынша 4-5 миллиард АҚШ долларына өсуіне ықпал етеді.

Батыс Қазақстан облысының аумағындағы «Еуразия» сауда-өнеркәсіптік хабы өз өндірістерін оқшаулау мүмкіндігін қарастыратын және логистика саудасы мен салықтық преференциялар тұрғысынан неғұрлым тартымды әрі тиімді сауда-өнеркәсіптік аймақты таңдап алатын ресейлік бизнеске де, Қытай, ЕО, Үндістан, Жапония және Түркияның өндірістік компанияларына да пайдалы болады».

QazTrade басшысы Қазақстанның Таяу Шығыс және Солтүстік Африка елдерімен (MENA) саудасының үлкен әлеуеті туралы айтып берді. Орталық Азия мен MENA өңірлері арасындағы сауда қатынастарын дамыту көбіне жолға қойылған тасымалдау логистикасы жүйесіне байланысты.

«Таяу Шығыс пен Солтүстік Африкада хабтардың ықпалдасуымен өңірлік орталық азия логистикалық хабын құру өңірлер арасында азық-түлік тауарларын жеткізудің тиімді тізбегін және өзара сауданы ұлғайту үшін негіз құруға мүмкіндік береді. Сонымен қатар, екі өңірдің хабтары арасындағы дәліздерді дамыту басқа елдерге, атап айтқанда, Орталық Азия елдері үшін Оңтүстік және оңтүстік-шығыс Азияға және MENA елдері үшін Еуропа мен Қытай нарықтарына қысқа маршруттар ашады» - деді Асқарұлы.

 Astana Finance Days (AFD) - бұл «Астана» халықаралық қаржы орталығы жыл сайын өткізетін өңірлік қаржы форумы. 2018-2020 жылдары AFD әлемнің 100 елінен 13000-нан астам қатысушыны жинады. 2020 жылы форумға 100-ден астам елден 5000-нан астам тіркелген қатысушы қатысты.

Astana Finance Days 2021-де АХҚО-ның негізгі стейкхолдерлері мен серіктестері нарықтарға дағдарыстан қалпына келуге көмектесетін инновациялық өнімдер мен қызметтерді ұсынады. Astana Finance Days шеңберінде дамушы нарықтар алдында күн санап құлдырап бара жатқан әлемнің проблемалары зерделеніп, жаңа шешімдер мен құралдар бойынша ой қозғау жүргізілетін болады, сондай-ақ табысты мысалдар мен бағалы құралдар таныстырылатын болады.

AFD спикерлері мен қатысушыларының қатарында жергілікті және шетелдік мемлекеттік органдардың, халықаралық ұйымдардың, бизнестің, кәсіби және ғылыми қоғамдастықтың және т.б. өкілдері болады.

• 02.07.2021
• 233