Шиналармен жабдықталған және ҚХР-дан әкелінетін құйылған алюминий доңғалақ дисклеріне демпингке қарсы баж төлеуге қатысты

Шиналармен жабдықталған және ҚХР-дан әкелінетін құйылған алюминий доңғалақ дисклеріне (бұдан әрі – алюминий дисклері) демпингке қарсы баж төлеуге байланысты келіп түсіп жатқан өтініштерге байланысты келесіні түсіндіреміз.

Еуразиялық экономикалық комиссия Алқасының 2019 жылғы 26 наурыздағы № 43 шешімімен ҚХР-дан шығатын алюминий дисклерге қатысты демпингке қарсы шара енгізілді. Қөрсетілген шара 2019 жылғы 28 сәуірден бастап 2024 жылғы 27 сәуірге дейін қолданылады. Демпингке қарсы баж мөлшерлемесі – кедендік құннан 33,69%.

Шина орнатылған алюминий дисклерді (дайын дөңгелектерді) әкелу кезінде демпингке қарсы баж төленбейді. Өз кезегінде, «таза» түрдегі алюминий дисклерге (яғни машина жиынтығынан тыс және монтаждалған шинасыз), олардың моторлы көлікті құрастыруға немесе қосалқы бөлшектер нарығына арналғанына қарамастан, демпингке қарсы баж салынады.

Демпингке қарсы баж демпингке қарсы шара әрекетінің тауарлық қамтылуына сәйкес келетін алюминий дискілерден ғана алынатынына назар аударамыз. Мысалы, максималды рұқсат етілген жүктемесі 1200 кг болатын алюминий дисклерді импорттау кезінде демпингке қарсы баж алынбайды.

Анықтама үшін: Демпингке қарсы шараның тауарлық қамтылуына ЕАЭО СЭҚ ТН 8708 70 500 1 және 8708 70 500 9 кодтарымен жіктелген орталық тесіктің диаметрі қоса алғанда 131-ге дейінгі ең жоғары рұқсат етілетін жүктемесі 1150 кг-нан аспайтын алюминийден жасалған жүрісті дөңгелектер болып табылатын құйылған алюминий дөңгелекті дискілер жатады. Бұл ретте ЕАЭО СЭҚ ТН кодтары тек ақпарат үшін ғана келтіріледі. ​

Демпингке қарсы шара тек ҚХР-дан шыққан алюминий дискілерге қатысты қолданылады. Бұл ретте, ЕАЭО кедендік аумағына әкелінетін тауарлардың шығарылған жерін айқындау қағидаларының (Еуразиялық экономикалық комиссия Кеңесінің 2018 жылғы 13 шілдедегі №49 шешімімен бекітілген) 25-тармағына сәйкес басқа елдерден шығарылатын және ЕАЭО кедендік аумағына әкелінетін ұқсас алюминий дисклердің шығарылған жері ішкі нарықты қорғау бойынша қолданылатын шаралардың орындалуын растау, яғни демпингке қарсы бажды төлеу жағдайын қоспағанда, тауардығ шығарылған жері туралы сертификатпен расталуға тиіс.

• 08.07.2021
• 223