Қазақстанда жаңа қаржы пирамидасы анықталды

Құрметті Қазақстандықтар!

ҚР Қаржы нарығын реттеу және дамыту агенттігі Instagram әлеуметтік желісінде өз қызметін белсенді жарнамалаған, қаржы пирамидасының барлық белгілері бар «Finiko» компаниясын анықтады. Компания азаматтарға «Сyfron Сapital OÜ» платформасында криптовалюта мен өзге де инвестициялық құралдарды сатып алуды ұсына отырып, инвестициялық қызметтен жоғары кірістілік төлеуге уәде берді. Бұл жылжымайтын мүлікті, автомобильдерді сатып алуға, міндеттемелерді өтеуге және инвестициялауға байланысты жағдайларды имитациялайтын ойын алаңы.

Сyfron –  бұл «Finiko» есептеулерін жүзеге асырған криптовалюта, ресми валюта болып табылмайды және қаржылық құндылығы жоқ екені атап өтемін. Осылайша, пайдаланушылар ақшаны нақты инвестициялық компанияға емес, симуляцияға салады. Өз кезегінде, «Finiko» компаниясы осы ойын платформасын пайдалану кезінде күніне 1-1,2% мөлшерлеме бойынша кіріс төлеуді уәде етеді, бұл халықтың теңгелік депозиттері бойынша орташа нарықтық мөлшерлемеден 43 есеге дейін асатын жылдық есептеудегі кірістіліктің жоғары деңгейіне сәйкес келеді.

«Finikoның» тұтынушылық және ипотекалық кредиттерді өтеуді ұсынуы да пайдаланушылар үші аса тартымды болғаны анық. Егер қарыз сомасынан 35%-ы салынса, компания қатысушының кредиті бойынша барлық соманы төлеуге міндеттенеді. Осыған ұқсас шарттар автокөлік пен жылжымайтын мүлікті сатып алу кезінде ұсынылады: жарна мүлік құнынан кемінде 35%-ды құрайды және 3-4 ай өткеннен кейін компания оны сатып алуға және қатысушының меншігіне беруге уәде береді. Компания, сондай-ақ, кез келген сатып алу үшін 25%-ға дейін ақшаны қайтаруды және тегін қызмет көрсету кезінде ай сайынғы қаражат қалдығына 6% сыйақыны ұсынатын жалған кэшбэк-карталар есебінен артық кірістілікті уәде етеді. Бұдан басқа, осы карта шеңберінде 1-ден 5 адамға дейін тартқаны үшін 1-ден 10%-ға дейін жоғары пайыздық кешбэк ұсынатын рефералдық бағдарлама әрекет етеді-мыс.

«Finiko» кешбэк-карточка MasterCard-пен ынтымақтастықта жасалғанын, алайда компания осы халықаралық төлем жүйесі серіктестерінің тізімінде жоқ екенін мәлімдейді. «Finiko» компаниясы банктерде арнайы есеп айырысу шоттарын пайдаланбайды. Алаяқтық операцияларды жүргізу үшін ол ақшаны тек қолма-қол нысанда қабылдайды, немесе Qiwi-әмиян, Яндеx-ақша, Easy Pay, PayPal  және тағы басқасы сияқты интернет төлемдер мен аударымдардың түрлі жүйелерін пайдаланады. Осылайша, қатысушылар салынған қаражаттың қайда бағытталғанын бақылай алмайды.

Қаржы пирамидасын ұйымдастыру фактісі бойынша Ресей Федерациясының аумағында «Finiko» компаниясына қатысты қылмыстық іс қозғалды. Компания қызметінен болған жалпы шығын 80 млн рубльден астам сомаға бағаланады. 2019 жылғы тамыз айынан 2020 жылғы желтоқсан аралығында компания Татарстан және Ресейдің басқа да субъектілерінің аумағында жеке тұлғалардың қаражатын қор нарықтары мен криптовалютаға инвестициялау үшін тарқаны анықталды.

Қазақстандық қаржы реттеушісі «Finiko» қызметін анық қаржылық пирамида мен қаржылық алаяқтықтың белгілеріне ие деп бағалайды. Берілген компания қаржылық ұйымдарға жатпайды, өйткені оның Агенттік берген лицензиясы жоқ, тиісінше, ол халықтан ақша тарту, тартылған қаражатты сенімді басқару және инвестициялау бойынша қызмет атқаруға құқылы емес.

Агенттік депозиттер түрінде немесе қаржылық құралдарға инвестицияларды жүзеге асыру үшін ақшаны тарту тек қана екінші деңгейдегі банктер, ұлттық пошта операторы және бағалы қағаздар нарығының кәсіби қатысушылары (брокер-дилерлер және басқарушы компаниялар) жүзеге асыра алатын лицензияланатын қызмет түрлеріне жататынын еске салғым келеді. Агенттіктің лицензиясын алған ұйымдар туралы ақпарат Агенттіктің интернет-ресурсында жарияланған.

• 09.07.2021
• 421