Қаламызды сапалы интернетпен қамту үш кезеңде жүзеге асыру көзделген.

І кезеңде интернет байланысы ең төмен санатындағы шағын аудандар мен тұрғын алаптарда 11 базалық станция орнатылды.

Олар:
Тұран, Шымкент сити, Шымкент сити-2, Асар, Асар-2, Достық, Солтүстік-батыс, Көкбұлақ, Алтынтөбе, Айкөл, Ақтас-2

ІІ кезең бойынша, салаға жеке инвесторларды тарта отырып, қосымша 14 базалық станция орнатылатын аумақтар белгіленді:

А2 трассасы, Аэропорт маңы, Солтүстік-Батыс, Қайнар бұлақ (саяжай алабы), Тассай, «Құрсай, Р32 трассасы, Ынтымақ (Тұрлан), Абдулабад, Забадам,226 Орам, Асар, Самал-3, Достық шағын аудандары.

Қазір 8 базалық нүктені орналастыру жұмыстары жүргізілуде. Байланыс операторларымен бірлесіп қалған 6 базалық станцияны жекеменшік жер телімдеріне орналастыру жөнінде шешім қабылданды. Қазір нүктелерді монтаждау жұмыстары атқарылуда.

ІІІ кезеңдегі жұмыстар бойынша қаланың 30 шағын ауданы мен тұрғын алаптарын талшықты-оптикалық желілермен қамту көзделді. Бұл жұмыстар да жеке инвесторлар әлеуетімен іске асырылуда. Бүгінге дейін 6 шағын аудандағы 5 мыңға жуық абонент сапалы интернет байланысқа қол жеткізді.
Айта кету керек, бұл бағытқа жеке инвесторлардың қызығушылығы артып келеді. Олармен жасалған келісімдер бойынша, 2021-2023 жылдар аралығындағы кезеңде салаға тартылатын инвестиция көлемі 1 млрд. теңгеден асып, 80 мың абонент кеңжолақты интернет байланысымен қамтылатын болады.

Пандемия кезінде интернеттің өзектілігі айқын байқалды.
Тұрғындар арасында цифлы теңсіздікті жою, қаланың барлық аумағында интерет байланысының сапасын арттыру бағытындағы жүйелі жұмыстар тұрақты жалғасады.

• 22.07.2021
• 110