Бес жылдық жоспарымызда адами капиталды дамыту басымдық ретінде белгіленген.

Азаматтардың потенциалын арттыруға қаланың денсаулық сақтау, білім, мәдениет, спорт салалары қызмет көрсетеді.

Шымкенттің зияткерлік әлеуетін арттыруда алғаш рет шахматтан жасөспірімдер арасында ел чемпионаты басталды. Мақсат – қаламызды Қазақстандағы шахмат орталығына айналдыру, білім мен спортты қатар дамыту.
«Қош келдің, чемпион!» ұранымен өтіп жатқан турнир жастардың зияткерлік қабілетін шыңдайды.

Қала мектептерінде арнайы пән ретінде енгізілген шахматқа балалар қызығушылығын арттырады.

Шахмат баланың логикасын, есте сақтау қабілетін дамытады, талдау жүргізуге үйретіп, зейінін ашады. Азаматтық мінезін қалыптастырады, алға қойған мақсатына жетуге жігерлендіреді. Жан-жақты білім алуға ұмтылдырып, шығармашылық ой-өрісін дамытады, жүйелі ойлау қабілетін шыңдайды.

Қаламыздан жастарға үлгі болатын, танымал шахматшылар шыққанын мақтан тұтамыз.

Қаламыздың тумасы, шахматтан Қазақстанның үш дүркін чемпионы, халықаралық гроссмейстер Ринат Жұмабаев кеше ғана әлемнің вице-чемпионын жеңіп, спорт әлемінде сенсация жасады.

Қаламыздың білім беру жүйесінде қызмет атқаратын Қазақстанның жеті дүркін чемпионы Гүлісхан Нақбаева шахматтың балалар арасында танымалдылығын арттыруға ықпал етеді деген сенімдемін.

• 22.07.2021
• 331