ҚНРДА, КАSЕ және PwC «жасыл» қаржыландыру мәселесінде ынтымақтаспақ

Құрметті отандастар!

16 шілдеде Алматыда «Жасыл қаржыландыру және борыштық капитал нарығы» конференциясының аясында Агенттік, Қазақстанның қор биржасы және «ПрайсуотерхаусКуперс Такс энд Эдвайзори» (PwC Kazakhstan) ЖШС арасында орнықты қаржыландыру қағидаттарын ілгерілету мақсатында ынтымақтастық туралы меморандум жасалды.

Қаржы реттеушісі орнықты қаржыландыру нарығын дамыту үшін осы саладағы ең үздік халықаралық практика мен стандарттардың негізінде қажетті реттеу базасын әзірлеу жұмысын жүргізіп келеді. Сонымен бірге Агенттік ESG стандарттарын тәуекелдерді басқару мен есептілік жүйелерін реттеуге интеграциялау арқылы қаржы ұйымдары мен листингтік компаниялардың осы стандарттарға жүйелік деңгейде ауысуын ынталандыру шараларын қабылдауға ниетті. Біз Қазақстанда орнықты қаржыландыру және орнықты даму облигациялары нарығын дамыту мәселелерін ілгерілетуге бағытталған барлық іс-шараларға белсенді түрде қатысамыз.

Меморандум тараптары Қазақстанның қаржы нарығында орнықты қаржыландыру қағидаттарын ілгерілету, сондай-ақ орнықты даму саласындағы жобаларды қаржыландыру үшін корпоративтік секторға қолдау көрсету үшін күш-жігерлерін біріктіреді.

• 22.07.2021
• 271