Қазақстанның барлық мемлекеттік қызметшілерін кәсіби мерекелеріңізбен құттықтаймын!

Мемлекеттік қызмет - бұл қиын еңбек. Бірақ мемлекеттік қызметшілердің кәсіби, тиімді және жанкешті жұмысының арқасында табысты мемлекет құрылады. Отанымыз үшін жұмыс істеу ниетін, Қазақстанды қазіргі заманғы, табысты және қауіпсіз мемлекет ретінде жасауға ұмтылысын бүгінде жастар мемлекеттік қызметке алып келеді. Олар мемлекеттік қызметке қабылдау кезінде қатаң конкурстан өтіп, өздерінің кәсіби құзыреттілігі мен дағдыларын үнемі арттырып, мемлекеттік жобалар мен бағдарламаларды іске асырудың жоғары сапасын қамтамасыз етеді.

Бүгінде Сауда және интеграция министрлігінде 182 адам жұмыс істейді. СИМ қызметкерлерінің орташа жасы 35 жастан төмен. Бірақ осыдан тура бір жыл бұрын, мен үшін ғана емес, елімізде алғаш рет құрылған толыққанды сауда ведомствосының қалыптасу күндері кадрларды іріктеуде қиын міндет тұрды. Бірақ мен сол кезде де, қазір де басқарушылардың негізін ішінен өсіру керек екеніне сенімдімін. Сондықтан вице-министрлер лауазымына кешегі жас, бірақ тәжірибелі және келіссөздер мен заң жобалары «шайқастарына қатысқан» департамент директорлары ұсынылды. Ал олардың орнына олардың орынбасарлары мен басқарма басшылары қадамдарын басты.

Мұндай шешімдерді қабылдай отырып, оларды өз тәжірибемнің тұғырынан бағалауға мүмкіндігім бар. 26 жыл бұрын студенттік партадан жас маман ретінде келіп, туған Қаржы министрлігінде министр креслосына дейін 19 жыл ішінде қадамдап жете алдым. Бұл тек альма-матердің білімі мен дағдыларына байланысты ғана емес, сондай-ақ менің өмірлік жолымда болған басшылардың даналығы арқасында мүмкін болды. Олар тек өздері табысты болып қана қоймай, жастардың дамуына көмектесіп, олардың өсуі мен жаксы идеяларын жүзеге асуына жол ашты.

Және, әрине, менің тағдырымда, біздің Тұңғыш Президентіміз - Елбасымен байланысты атауы мақтанышпен айтылатын солтүстік астанаға көшуге бетбұрыс болды. Ол бастамашылық еткен 90-шы және жаңа ғасырдың алғашқы декадаларында реформалары мыңдаған жас және талантты қазақстандықтардың Отан мен халқына қызмет етуіне серпін берді. Оның үнемі назары жастардың өсуіне мені де назардан тыс қалдырған жоқ. Мен үшін 2007 жылы Экономика және бюджеттік жоспарлау министрлігін басқару ұсынысы үлкен тосын және үлкен аванс болды.

Мен бұл мысалдарды мансабымен мақтану үшін емес келтіріп едім. Ол ушін Елбасына және мемлекет басшылығына сенім білдіргендері үшін тағы да алғыс айтамын.

Біздің мемлекеттік қызметшілердің жетістігі арқылы халықтың жаңадан бастаған топтарындағы шынайы патриотизмді, кәсібилікті және мақсаткерлікті тәрбиелеу жолдарын іздеу керек деп санаймын.

Қатаңдық пен жауапкершілік, әрине, дамудың ажырамас бөлігі. Алайда тәрбиеде сыбайлас жемқорлыққа қарсы риторика ғана басым болмауы керек.

Біз қызметшілердің "когортасын" құрмет пен сұраныстың барлық элементтері бар кешенді түрде тәрбиелеуіміз қажет.

Әдетте бұл мерекеде барлық мемлекеттік органдарда салтанатты жиналыстар өткізіліп, бір-бірін құттықтайды. Пандемия жылы, өкінішке орай, онлайн тойлауға тура келеді.

Алайда, Сауда және интеграция министрлігінің ерекше көзге түскен қызметкерлеріне наградалар табыс етілді.

Көп жылғы мінсіз мемлекеттік қызметі үшін Мемлекеттік қызмет істері агенттігінің арнайы комиссиясының шешімімен ҚР СИМ Әдеп жөніндегі уәкіл Бауыржан Әметаев "Үздік мемлекеттік қызметші" төс белгісіне ие болды.

Министрліктің 11 қызметкері Министрліктің Құрмет грамотасымен марапатталды.

Қазақстан Республикасы Президентінің жанындағы Мемлекеттік басқару академиясының Мемлекеттік қызметшілердің құзыреттілігі мен кәсібилігін дамыту мәселелері бойынша Министрлік қызметіне қосқан қомақты үлесі үшін Академия проректоры Еркін Дусиповқа Алғыс хат жолданды.

Және те бүгін Қазақстанда мемлекеттік қызметшілер күні ғана емес, Полиция күні де тойлануда. Біз "Министрліктер үйі" ғимаратында қызметке тартылған полиция полкінің қызметкерлерін құттықтаймыз. Мереке құрметіне біз полктің 8 қызметкерін Алғыс хаттармен марапаттау туралы шешім қабылдадық.

Барлық мемлекеттік қызметшілер мен полицейлерді кәсіби мерекелерімен тағы да құттықтаймын!

Баршаңызға Отанымыздың игілігі үшін қиын еңбекте табыстар тілеймін.

Барлық қазақстандықтарға амандық пен әл-ауқат тілеймін!

• 23.06.2020
• 588