Бөлшек сауда мен электронды сауданың даму перспективалары Португалия сауда және инвестиция агенттігімен (AICEP) кездесу барысында талқыланды

Ағымдағы жылдың 28 шілдесінде QazTrade АҚ Португалия сауда және инвестициялар агенттігінің (AICEP) басшылығымен кездесу өткізді. Осылайша, жұмыс сапары аясында AICEP президенті Луис Филипе де Кастро Энрикес мырза QazTrade АҚ бас директоры Азамат Ажарұлымен кездесті. Кездесуге сонымен қатар Қазақстан Республикасындағы Португалия Республикасының Уақытша сенімді өкілі Аделино Вильейра да Кунья да Силва және AICEP Төрағасының кеңесшісі Луис Мария Пинто де Мескита Ребело де Соуза қатысты. AICEP басшылығының сапары барысында Португалияға отандық тауарлар экспортының даму перспективалары, бөлшек сауда мен электронды сауданың дамуы талқыланды. Осылайша, QazTrade басшысы Польшадағы ең ірі дисконттық дүкендер желісін - Biedronka (португалдық Jerónimo Martins компаниясының еншілес кәсіпорны) бірлесіп жұмыс жасауға шақырды. Бұл өз кезегінде жоғары еуропалық стандарттарды енгізуге және осылайша отандық өндірушілердің жаңа нарықтарға экспорт көлемін ұлғайтуға септігін тигізеді. Анықтама үшін: Jerónimo Martins SGPS, S.A. - тұтыну тауарларын шығаратын және тарататын португалдық компания. Компанияның бағалы қағаздары Euronext Lisbon биржасында сатылады және PSI-20 қор индексіне кіреді. Сонымен қатар, Асқарұлы Қазақстанның жоғары транзиттік әлеуетін және португалдық компанияларға Орталық және Шығыс Азия елдеріне экспортты дамытуға көмектесуге дайын екендігін атап өтті. Португалия Қазақстанды стратегиялық перспективалы аймақтағы маңызды және сенімді серіктес ретінде қарастырады. Португал агенттігінің президенті екі ел арасындағы сауда -экономикалық өзара іс -қимылды одан әрі дамыту және QazTrade мен AICEP арасындағы институционалдық ынтымақтастықты нығайту қажеттігін атап өтті. Анықтама үшін: 2007 жылы құрылған Португалияның Инвестициялар және сыртқы сауда агенттігі (AICEP) - мемлекеттік ұйым. Оның басты мақсаты - португалдық тауарлардың экспортын ілгерілету, ұлттық компаниялардың сыртқы нарыққа шығуы мен шетелдік инвестицияларды тарту. AICEP Португалия Сыртқы істер министрлігімен бірлесе жұмыс жасайды. Оның шетелде 53 кеңсесі бар.

• 29.07.2021
• 188