Ипотекалық тұрғын үй қарыздарын қайта қаржыландыру бағдарламасының қолданыс мерзімін ұзарту туралы

Құрметті қазақстандықтар!

2020 жылы COVID-19 пандемиясына және қатаң карантиндік шектеулердің енгізілуіне, сондай-ақ биылғы жылы күрделі эпидемиологиялық жағдайдың жалғасуына байланысты ҚР Қаржы нарығын реттеу және дамыту агенттігінің Басқармасы 2021 жылғы 16 шілдеде ипотекалық қарыз алушыларға қосымша қаржылай көмек көрсету мерзімін 2021 жылғы 1 қарашаға дейін ұзарту туралы шешім қабылдады.      

Қазіргі уақытта қосымша қаржылай көмек шаралары қарыздары жалғыз баспанамен қамтамасыз етілген және Бағдарламаның
1 және/немесе 2-бөлімі шеңберінде қайта қаржыландырылған, сондай-ақ баспанасы банктің балансына өткен халықтың әлеуметтік осал топтары (бұдан әрі – ХӘОТ) санатына жататын қарыз алушыларға ұсынылады. ҚНРДА Басқармасы банктерге құжаттарды ұсыну мерзімін ұзартуға және қарыз алушылардың қосымша көмек алу процесін жеңілдетуге бағытталған бірқатар қосымша түзетулер енгізді. Ипотекалық қарыз алушыларды барынша көбірек қамту және оларға банктерге құжаттар топтамасын дайындау үшін уақыт беру үшін қарыз алушылардың Бағдарлама бойынша қосымша көмек алуға өтінішпен жүгіну мерзімі 2021 жылғы 1 қазанға дейін ұзартылды.

Құжаттар топтамасын жинауды жеңілдету мақсатында қаржы реттеушісі қарыз алушылардың қосымша оларға көмек көрсету мәселесін қарау үшін банкке ұсынатын құжаттар атауларының тізбесін қысқартты. Агенттіктің сайтында қарыз алушылармен өзара іс-қимыл жасау үшін банктер қызметкерлерінің байланыс деректері және ипотекалық қарыз алушыларға қосымша көмек көрсету мәселелерін қарау үшін қажетті құжаттардың тізбесі орналастырылған.

Бағдарлама 2004 – 2009 жылдар аралығында берілген ипотекалық қарыздарды, сондай-ақ 2016 жылғы 1 қаңтарға дейін берілген шетел валютасындағы қарыздарды қайта қаржыландыруға бағытталған. Бағдарлама үш бөлімнен (кезеңнен) тұрады, оны іске асыруға Ұлттық Банк 286 млрд теңге бөлді.

• 29.07.2021
• 318