Қазақстан мен Түркия инвестицияларды арттыру мәселелерін талқылауда

ҚР Сауда және интеграция вице-министрі Қайрат Төребаев Түркия Республикасының сауда Вице-министрі Мұстафа Тузчумен кездесу өткізді. Кездесу Қазақстан Республикасының Ресей Федерациясындағы Сауда өкілдігінің жәрдемімен ұйымдастырылды. Тараптар инвестицияларды қолдау және өзара сауда көлемін арттыру мәселелерін талқылады. Атап айтқанда, Қайрат Төребаев түрік әріптесін трансшекаралық сауда-экономикалық ынтымақтастық жобаларының іске асырылу барысы туралы хабардар етті. - «Қорғас» ШЫХО жаңа тұжырымдамасына сәйкес көбіне сауда мен ілеспе қызметтерді дамытуға бағдарланатын болады. Яғни, бұл жерде өз өнімдерін Қытай нарығына бағыттайтын түрлі компаниялардың шоурумдарына баса назар аударылатын болады. Қытайлық тұтынушы тауармен таныса алады және одан әрі мәмілелермен анықталады, - деді Төребаев. Сонымен қатар, ол «Орталық Азия» халықаралық сауда-экономикалық орталығы және Қырғызстан мен Ресей Федерациясымен шекарадағы ұқсас трансшекаралық орталықтар тек саудаға ғана емес, екі ел бизнесінің өнеркәсіптік кооперациясына да бағдарланатынын атап өтті. Тузчу мырза Түркия Республикасындағы ұқсас шекара маңы орталықтары - еркін сауда аймақтарының қызмет істеу тәжірибесімен бөлісті. Әсіресе, ол мұндай орталықтар мамандануы бойынша сауда, өнеркәсіп және қызметтер болып бөлінетінін айтты. Түркияның сауда вице-министрі екі елдің осындай орталықтарды дамыту бойынша тәжірибе алмасу аясында ынтымақтасуға дайын екенін білдірді. Тараптар сондай-ақ тұтынушылардың құқықтарын қорғау, стандарттау және метрология саласындағы ынтымақтастықты дамытуды талқылады. Кездесу барысында Түркиядағы шатыр парақтары мен қасбеттік панельдер өндірісіне қазақстандық инвестицияларды дамыту мәселелері қозғалды. Ағымдағы жылдың қараша айында өтетін ДСҰ конференциясы талқыланды. Халықаралық сауда жүйесі аясында дұрыс келісімдерге қол жеткізу қажеттілігі атап өтілді.   Кездесу ҚР вице-министрі Қайрат Төребаевтың «Ресей – Ислам әлемі: KazanSummit 2021» XII Халықаралық экономикалық саммитінің жұмысына қатысуы шеңберінде өтті. Саммит аясында ҚР Сауда-экономикалық миссиясы және Қазақстан-Ресей бизнес-форумы өткізілді.

• 30.07.2021
• 261