Қазақстан мен АҚШ арасындағы тауар айналымы 949,1 млн.$ құралды

Нұр-сұлтан, 2021 жылғы 4 тамыз – ҚР Сауда және интеграция Вице-министрі ҚР Еңбек және әлеуметтік қорғау Вице-министрімен бірлесіп, АҚШ Сауда өкілінің көмекшісі К.Уилсонмен Қазақстан мен АҚШ арасындағы сауда-экономикалық өзара қарым-қатынасты күшейту мәселелері бойынша онлайн форматта консультациялық келіссөздер жүргізді.

Күн тәртібіндегі негізгі мәселе преференциялардың бас жүйесіне (ГСП) қатысты АҚШ-тың жаңа Заңының қабылдануын талқылау, екі елдің сауда-экономикалық өзара іс-қимылының өзекті мәселелерін талқылау, сондай-ақ кәсіподақ және сауда-экономикалық өзара қарым-қатынастар мәселелері бойынша ағымдағы ахуал болды.

Осылайша, еңбек және әлеуметтік қорғау Вице-министрі А.Сарбасов USTR өкілдерін кәсіподақ ұйымдарына қатысты Қазақстан заңнамасының өзекті мәселелері бойынша ағымдағы жағдай туралы хабардар етті.

Бұдан әрі, АҚШ-пен сауда өзара қарым-қатынасы бойынша сауда және интеграция Вице-министрі Қ.Төребаев елдер арасындағы тауар айналымы 2020 жылы $1,7 млрд.
құрады, бұл өткен жылдың көрсеткішінен 24,9% - ға төмен ($2,2 млрд.).

Алайда, осы жылдың 6 айындағы көрсеткіштер өсу үрдісіне ие. Тауар айналымы $949,1 млн. құрап, 6% - ға артты.

Қ.Төребаев америкалық әріптестерін Қазақстандағы электрондық сауданы дамыту, қоршаған ортадағы жасыл технологияларға көшу, әйелдер құқығын дамыту және басқа да мәселелер бойынша ағымдағы жағдай туралы хабардар етті.

Сауда министрлігінің өкілі электрондық сауда халықаралық алаңдарда белсенді талқыланатынын, оның ішінде ДСҰ-ның алдағы 12-ші министрлік конференциясы (МК-12) күн тәртібінің негізгі мәселелерінің бірі болып табылатынын атап өтті.

"МК-12 мақсаты – ұйымды алдағы жылдарға жұмысты ынталандыруға мүмкіндік беретін траекторияға шығару. Біз МК-12 субстантивтік мәселелері бойынша маңызды нәтижелерге қол жеткізуде АҚШ - тың салмақты рөлін көріп отырмыз" - деп атап өтті Қайрат Төребаев.

Осыған байланысты, Вице-министр ҚР сауда және интеграция министрі Б.Сұлтановтың ДСҰ МК-12 алдағы күн тәртібін және екіжақты ынтымақтастықтың барлық өзекті мәселелерін нақты талқылау үшін АҚШ Сауда өкілі К. таймен кездесуін ұйымдастыруды ұсынды.

Сонымен қатар, тараптар саудада түрлі шектеулер қолданылатын елдермен ынтымақтастық мәселесі бойынша техникалық көмек көрсету мүмкіндігін талқылады.
Кездесу қорытындысы бойынша тараптар бір-біріне мазмұнды диалог үшін алғыс айтып, тығыз өзара іс-қимылды жалғастыруға келісті.

• 05.08.2021
• 178